28 верасня – 1 кастрычніка 2015 года ў рамках беларуска-нарвежскай ініцыятывы «Укараненне мабільнага навучання мове (iMILE)» адбыўся візіт дэлегацыі Універсітэцкага каледжа Сер-Трэндэлаг (Нарвегія) у саставе прарэктара па пытаннях міжнароднага супрацоўніцтва і праектнай дзейнасці Арылда Смолана, дацэнта Торда Талмо і дацэнта Робіна Стокерта.Падчас візіту адбылася сустрэча з прарэктарам па навуцы Уладзімірам Георгіевічам Барсуковым, на якой Арылд Смолан расказаў пра каледж Шэры-Трэндэлаг. На сустрэчы таксама абмяркоўваліся магчымыя напрамкі супрацоўніцтва з інжынерна-будаўнічым і фізіка-тэхнічным факультэтам, факультэтам інавацыйных тэхналогій машынабудавання ГрДУ імя Янкі Купалы.
Асноўнай мэтай візіту было ўкараненне на базе купалаўскага ўніверсітэта арыгінальнага праграмнага забеспячэння, распрацаванага нарвежскім бокам для выкарыстання запытальна-адказных мабільных сістэм у навучальным працэсе.
Нарвежскія калегі правялі для выкладчыкаў філалагічнага факультэта ГрДУ імя Янкі Купалы навучальны семінар і трэнінг па ўкараненні запытальны-адказных мабільных сістэм у працэс навучання замежных мовах.
Найбольш значнымі вынікамі візіту стала падпісанне дамовы аб супрацоўніцтве паміж ВНУ і сумесная падрыхтоўка праектнай заяўкі для ўдзелу ў праграме Нарвежскага цэнтра міжнароднага супрацоўніцтва ў галіне адукацыі.
З усімі навінамі філалагічнага факультэта можна азнаёміцца тут.
