Надрукаваць гэтую старонку
Апублікавана ў Чацвер, 08 Кастрычнік 2015 14:02

Жаночая каманда ГрДУ імя Янкі Купалы стала пераможцай фінальных спаборніцтваў Рэспубліканскай універсіяды па баскетболе-2015 Рэкамендаваны

12050 4 copyУ перыяд з 28 верасня па 2 кастрычніка 2015 года ў купалаўскім універсітэце праходзілі фінальныя турніры Рэспубліканскай універсіяды па баскетболе-2015 сярод жаночых каманд у групе «А». 

У спаборніцтвах прынялі ўдзел 7 каманд: Беларускага нацыянальнага тэхнічнага ўніверсітэта, Беларускага дзяржаўнага ўніверсітэта фізічнай культуры, Беларускага дзяржаўнага педагагічнага ўніверсітэта імя Максіма Танка, Брэсцкага дзяржаўнага ўніверсітэта імя А.С. Пушкіна, Магілёўскага дзяржаўнага ўніверсітэта імя А.А. Куляшова, Гродзенскага дзяржаўнага аграрнага ўніверсітэта і Гродзенскага дзяржаўнага ўніверсітэта імя Янкі Купалы.

На працягу першых двух дзён праходзілі папярэднія гульні, у рамках якіх прадстаўніцы нашай ВНУ абыгралі баскетбалістак з ГДГАУ і БДПУ імя Максіма Танка. Таксама наймацнейшымі апынуліся спартсменкі з БДУФК, якія перамаглі каманды БНТУ, БрДУ імя А.С. Пушкіна і МагДУ імя А.А. Куляшова.

У наступныя два дні вялася жорсткая барацьба за права быць пераможцамі. У фінальных гульнях баскетбалісткі нашага ўніверсітэта абыгралі спартсменак з БДУФК з лікам 98:59, адолелі саперніц з Брэсцкага ўніверсітэта з лікам 84:59, забяспечыўшы сабе першае месца на Рэспубліканскай універсіядзе па баскетболе-2015. Трэнер каманды ГрДУ імя Янкі Купалы - дацэнт кафедры спартыўных гульняў Валянціна Пятроўна Навойчык.

У тройку лідэраў спаборніцтваў волі таксама баскетбалісткі з Беларускага дзяржаўнага педагагічнага ўніверсітэта імя Максіма Танка (другое месца) і Беларускага дзяржаўнага ўніверсітэта фізічнай культуры (трэцяе месца).

Табліца фінальных спаборніцтваў Рэспубліканскай універсіяды па баскетболе-2015

месца універсітэт
IV БрДУ імя А.С. Пушкіна
V ГДАУ
VI БНТУ
VII МагДУ імя А.А. Куляшова