Удзел у спаборніцтвах прынялі 5 каманд: каманды фізіка-тэхнічнага факультэта, факультэта мастацтваў і дызайну, факультэта инавацыйных тэхналогій машынабудавання, а таксама каманды гімназіі №6 і №7 г. Гродна, якія прадстаўлялі каманды аддзелаў адукацыі Ленінскага і Кастрычніцкага раёнаў горада.

Падчас спаборніцтваў дзеці і іх бацькі бегалі ў мяхах, гулялі ў хакей, сямейны баскетбол, фітбол, скакалі ў даўжыню з месца і прымалі ўдзел у інтэрактыўных конкурсах.

Па выніках спартыўных мерапрыемстваў пераможцам стала каманда гімназіі № 6, срэбра ў фізіка-тэхнічнага факультэта, на трэцім месцы - каманда мастацтваў і дызайну, чацвёртае месца дасталася факультэту інавацыйных тэхналогій машынабудавання, а на пятым - гімназія №7.