Першы дзень Кубка стаў паспяховым для студэнта факультэта фізічнай культуры Ігара Зубко. Ён стаў другім у бегу 400м. Акрамя таго, малады чалавек заняў другую прыступку п'едэстала ў складзе каманды Гродзенскай вобласці ў эстафеце 4х100.

Сёння, 19 ліпеня, купалаўцы заваявалі два залатыя медалі і срэбра. Так, студэнт інжынерна-будаўнічага факультэта Уладзіслаў Чэмармазовіч стаў першым у скачках з шастом, а студэнт факультэта фізічнай культуры Сяргей Пустабаеў заваяваў золата ў бегу 200 метраў. Акрамя таго, студэнт факультэта інавацыйных тэхналогій машынабудавання Аляксандр Шлавянец стаў другім у скачках з шастом.