Традыцыйна Дзень беларускага пісьменства адзначаецца ў першую нядзелю верасня. Купалаўцы не маглі абысці бокам гэтае знакавае свята.

У Навуковай бібліятэцы Гродзенскага дзяржаўнага ўніверсітэта імя Янкі Купалы была арганізавана акацыя “Купалаўская паштоўка”. Яе ўдзельнікамі сталі студэнты 1 курса філалагічнага факультэта.

Для іх арганізавалі ўтульную праграму і падарылі паштоўкі са словамі вялікага класіка беларускай літаратуры, чыё імя носіць наш універсітэт.

Таксама студэнты азнаёміліся з выставай "Духоўная спадчына стагоддзяў: да Дня беларускага пісьменства".