На канферэнцыі былі заслуханы даклады па актуальных праблемах развіцця педагагічнай навукі і іншых галін гуманітарных ведаў. Для ўдзелу ў канферэнцыі было пададзена 152 заяўкі з 5 краін: Беларусі, Расіі, Кітая, Ізраіля, Руанды.

Праблематыка даследаванняў, прадстаўленых у дакладах канферэнцыі, ахоплівала вельмі шырокае кола пытанняў. Яны арганічна аб'ядноўваліся ў секцыі канферэнцыі: дзяцінства ў аспекце педагагічных і псіхалагічных даследаванняў; актуальныя праблемы педагогікі і сацыяльнай працы; пытанні арганізацыі карэкцыйна-педагагічнай работы з дзецьмі, якія маюць асаблівасці псіхафізічнага развіцця; актуальныя праблемы выкладання моў і матэматыкі ва ўстановах адукацыі; актуальныя праблемы сучасных сацыягуманітарных ведаў. Нараўне з тэарэтыка-метадалагічным матэрыялам быў прадстаўлены і практычны педагагічны вопыт.

Усе даклады ўдзельнікаў адпавядалі асноўным патрабаванням навуковасці: актуальнасць, навізна, абгрунтаванасць, лагічнасць, аб'ектыўнасць, практычная значнасць. Кожны даклад быў падмацаваны дастатковай колькасцю крыніц і вынікамі, атрыманымі падчас праведзеных даследаванняў па ўказаных напрамках і навуковых праблемах.