У хуткім часе ў Рэспубліцы Беларусь пройдуць выбары Прэзідэнта. Перадвыбарная кампанія спрыяе фармаванню актыўнай грамадзянскай пазіцыі ў моладзі, а таксама дапамагае зразумець тонкасці выбарчай сістэмы, што дазваляе зрабіць беларусам усвядомлены выбар. Напярэдадні гэтай найважнейшай падзеі ў Купалаўскім універсітэце працуе "Школа маладога выбаршчыка". Да заняткаў актыўна далучаюцца навучэнцы Гуманітарнага каледжа ГрДУ імя Янкі Купалы.Навучэнцы 2 і 3 курсаў дзякуючы заняткам змаглі лепей пазнаёміцца з заканадаўчай сістэмай Рэспублікі Беларусь, а таксама з асноўнымі прынцыпамі выбарчай сістэмы. Паглыбленыя веды ў гэтых пытаннях дазволяць моладзі актыўна ўдзельнічаць у выбарчай кампаніі, зрабіць свядомы выбар і дзейнічаць у межах закону.
Несумненна, хлопцы разважалі над пытаннем «Чаму я іду на выбары». Ён заахвоціў удзельнікаў задумацца аб сваёй ролі ў грамадстве, аб значнасці і ўплыве іх голасу на фармаванне будучыні. Адказы на яго сталі не толькі праявай асабістага светапогляду, але і крокам да актыўнага ўдзелу ў палітычным жыцці краіны.
У рамках заняткаў удзельнікам прапануецца не толькі ўступаць у абмеркаванні, але ўзяць удзел у розных актыўнасцях. Напрыклад, вырашыць рэбусы і тэсты на тэму электаральнай кампаніі. Такая форма ўзаемадзеяння дапамагае яшчэ лепш замацаваць веды.
Праца школы будзе працягнута і юнакі і дзяўчаты змогуць яшчэ больш пашырыць запас сваіх ведаў.
