Супрацоўнікамі кафедры фізічнага выхавання і спорту распрацавана інавацыйная методыка, накіраваная на развіццё гнуткасці ў студэнтаў. Методыка грунтуецца на выніках тэсціравання фізічнай падрыхтаванасці, праведзенага ў адпаведнасці з тыпавой вучэбнай праграмай па фізічнай культуры.Тэставанне дазваляе вылучыць тры ўзроўні развіцця гнуткасці, ацэненыя па 10-бальнай шкале: высокі (8 - 10 балаў), сярэдні (5 - 7 балаў) і нізкі (1 - 4 балы). На падставе гэтых звестак студэнты могуць быць аб'яднаны ў некалькі груп з падобнымі паказчыкамі гнуткасці.
Для кожнага ўзроўню складзены 5 сэтаў, кожны з якіх уключае 8 практыкаванняў і выконваецца паслядоўна. Комплексы былі распрацаваны з улікам наступных прынцыпаў: чаргаванне дынамічных і статычных практыкаванняў, паступовае павелічэнне амплітуды рухаў, захаванне часавых рамак утрымання статычных пазіцый, а таксама прымяненне прынцыпу "зігзаг" у пабудове практыкаванняў.
Методыка прадугледжвае дыферэнцыраваны падыход да кожнага студэнта, што дае магчымасць рэгуляваць фізічную нагрузку ў залежнасці ад узроўню фізічнага развіцця. Сэты ўключаюць спецыялізаваныя практыкаванні для розных груп мышц і могуць выконвацца як на занятках, так і дома.
Чакаецца, што прымяненне гэтай методыкі садзейнічае павышэнню ўзроўню фізічнай падрыхтаванасці студэнтаў і прывядзе да станоўчай дынамікі ў паказчыках кантролю гнуткасці.