Пастанова нумар 56, прынятая 26 сакавіка 2025 года, вызначае, што дакументы можна падаваць з 27 чэрвеня па 1 ліпеня для пераможцаў універсітэцкіх алімпіяд (дыпломы I, II, III ступені), а з 27 чэрвеня па 2 ліпеня для абітурыентаў, якія паступаюць на ўмовах мэтавай падрыхтоўкі.

Выпускнікі профільных класаў прафесійнай накіраванасці могуць падаваць дакументы з 12 па 14 ліпеня, а для атрымання агульнай і спецыяльнай вышэйшай адукацыі за кошт бюджэтных сродкаў і на платнай аснове – з 12 па 17 ліпеня. Таксама з 12 ліпеня па 1 жніўня дакументы прымаюцца ад тых, хто паступае на платнай аснове на спецыяльнасці, якія не патрабуюць уступных іспытаў.

Уступныя іспыты будуць праходзіць з 4 па 10 ліпеня для абітурыентаў, якія паступаюць на ўмовах мэтавай падрыхтоўкі, і з 18 па 25 ліпеня для тых, хто паступае для атрымання агульнай або спецыяльнай вышэйшай адукацыі па спецыяльнасцях з уступнымі іспытамі.

2 ліпеня адбудзецца залічэнне для пераможцаў універсітэцкіх алімпіяд, па 12 ліпеня – для абітурыентаў на ўмовах мэтавай падрыхтоўкі, па 27 ліпеня – за кошт бюджэтных сродкаў і па 3 жніўня – на месцы, устаноўленыя для атрымання вышэйшай адукацыі на платнай аснове.

Паступай правільна – паступай ў ГрДУ імя Янкі Купалы!