Мерапрыемства прайшло 1 кастрычніка, сабраўшы самых актыўных будучых і сёлетніх журналістаў, а таксама школьнікаў. Канкурсанты бралі ўдзел у сямі намінацыях, і студэнты ГрДУ імя Янкі Купалы паказалі бліскучыя вынікі.Перамогу ў намінацыі «Лепшыя аўтарскія матэрыялы» за рэпартаж, спецыяльны праект, прымеркаваны да 80-годдзя Перамогі савецкага народа ў Вялікай Айчыннай вайне, заваявала студэнтка 3 курса факультэта гісторыі, камунікацыі і турызму Карына Місцюк. Таксама яна стала пераможцам у намінацыі «Лепшы відэасюжэт пра памятныя мясціны Беларусі, вядомых людзей, знамянальную падзею».
У намінацыі «Лепшыя аўтарскія матэрыялы» за рэпартаж, спецыяльны праект, накіраваны на захаванне традыцыйных сямейных каштоўнасцей і маральных ідэалаў, перамогу атрымала студэнтка 4 курса факультэта гісторыі, камунікацыі і турызму Анастасія Кісель.
Пераможцам у намінацыі Лепшы фотарэпартаж» стала студэнтка 2 курса факультэта гісторыі, камунікацыі і турызму Ганна Анішчык. Таксама яна і студэнты 2 курса факультэта гісторыі, камунікацыі і турызму Арцём Кузьмянок і Анастасія Чарнецкая сталі пераможцамі ў намінацыі «Лепшы відэаблог».
Перамогу ў намінацыі «Лепшая аператарская работа» атрымаў студэнт 4 курса факультэта гісторыі, камунікацыі і турызму Арцём Булгакаў, а перамогу ў намінацыі «Лепшы праект у новых медыя» атрымаў рэдактар вучэбнай тэлестудыі кафедры журналістыкі Купалаўскага ўніверсітэта Ігар Пташыц.
Віншуем купалаўцаў і жадаем ім удачы на рэспубліканскім этапе конкурсу!
