У Клермон-Феран (Францыя) на традыцыйных спаборніцтвах па скачках з шастом «All Star Perche By Quartus» студэнтка факультэта фізічнай культуры купалаўскага ўніверсітэта Ірына Жук абнавіла свой асабісты і нацыянальны рэкорды. Нагадаем, што да гэтага   на чэмпіянаце Беларусі па лёгкай атлетыцы ў памяшканні,  які праходзіў у лютым, Ірына ўстанавіла папярэдні нацыянальны рэкорд па скачках у вышыню сярод жанчын - 4,57 м. Цяпер у гісторыі беларускай лёгкай атлетыкі лічыцца абсалютны вынік: дзяўчына пераадолела планку на вышыні 4,62 м.

– Вядома, я вельмі рада. Новы асабісты рэкорд! Новы нацыянальны рэкорд! Спачатку пераадолела першую вышыню ў 4,32 м, затым у 4,5 м, потым атрымалася справіцца з вышынёй 4,62 м. Добрыя спробы былі на вышыні 4,72 м. Але думаю, што ўсё яшчэ ў мяне наперадзе! - пракаментавала Ірына свой рэкорд.

Трэнерам спартсменкі з'яўляецца Юрый Кавальчук.