З прывітальным словам выступіў прарэктар па ідэалагічнай і выхаваўчай рабоце Васіль Сянько. У сваёй прамове ён падкрэсліў важнасць правядзення ваенна-патрыятычных мерапрыемстваў для фарміравання ў моладзі пачуцця грамадзянскай адказнасці і патрыятызму.

Злёт уключаў у сябе пяць конкурсных іспытаў, якія патрабуюць ад удзельнікаў не толькі фізічнай сілы і спрыту, але і ведаў ваеннай справы, умення працаваць у камандзе і хутка прымаць рашэнні. У конкурсе «Зброевы майстар» студэнты прадэманстравалі навыкі разборкі і зборкі аўтамата АК-74. У конкурсе «Выдатны стрэлак» правяралася дакладнасць стральбы з пісталета Макарава на электронным трэнажоры. «Тактычная стральба» дазволіла ўдзельнікам адпрацаваць навыкі стральбы з аўтамата АК-74 на інтэрактыўным лазерным трэнажоры. У конкурсе «Накат» каманды пазмагаліся ў тактычнай стральбе з страйкбольнай і пнеўматычнай зброі. Завяршыўся злёт конкурсам «Кідальнік», дзе студэнты паказалі сваю трапнасць у кіданні гранат.

Пераможцам злёту стала каманда факультэта фізічнай культуры, прадэманстраваўшы выдатную фізічную падрыхтоўку і тактычнае мысленне. Другое месца заваявала каманда інжынернага факультэта, паказаўшы ўменне працаваць у камандзе. Трэцяе месца атрымала каманда факультэта гісторыі, камунікацыі і турызму, якая праявіла волю да перамогі.

На ўрачыстай цырымоніі ўзнагароджання начальнік ваеннага факультэта Генадзь Песляк уручыў граматы пераможцам.

Правядзенне ваенна-патрыятычнага злёту «Да абароны Айчыны гатовы!» з'яўляецца важным элементам патрыятычнага выхавання і садзейнічае фарміраванню актыўнай грамадзянскай пазіцыі студэнтаў Купалаўскага універсітэта.

Віншуем пераможцаў і ўдзельнікаў ваенна-патрыятычнага злёту з заслужанымі ўзнагародамі!