У рамках сустрэчы студэнты даведаліся аб перспектывах сацыяльна-эканамічнага развіцця Беларусі, новых напрамках экспартнай дзейнасці і прыярытэтах развіцця інавацыйных галін эканомікі. Вялікую цікавасць выклікалі пытанні аб прыярытэтах сацыяльна-эканамічнага развіцця рэгіёнаў на наступную пяцігодку і кар'ерным росце Кірыла Генадзевіча. Студэнты цікавіліся, як назапашаны вопыт у якасці выкладчыка і вучонага ў галіне эканомікі ўсходніх краін дапамагае яму ў рабоце намесніка Міністра эканомікі. Актыўна абмяркоўваліся пытанні развіцця малога і сярэдняга бізнесу і змены заканадаўства ў сферы прадпрымальніцтва.

У сустрэчы таксама прыняў удзел старшыня камітэта эканомікі Гродзенскага абласнога выканаўчага камітэта Аляксандр Камендант і дэкан факультэта эканомікі і кіравання Марына Карпіцкая. Аляксандр Аляксандравіч расказаў аб Стратэгіі развіцця Гродзенскай вобласці і асаблівасцях фарміравання валавога рэгіянальнага прадукту. Было адзначана, што Аляксандр Камендант з'яўляецца частым госцем факультэта эканомікі і кіравання, актыўна ўдзельнічае ў рабоце дзяржаўных экзаменацыйных камісій, правядзенні канферэнцый і круглых сталоў.

Дырэктар цэнтра падтрымкі прадпрымальнікаў ПУП «АйТіНІМАКС» Ігар Чывель падзяліўся вопытам супрацоўніцтва з факультэтам эканомікі і кіравання ў рамках удзелу ў стартапах, ІнвестУікендах, а таксама ў рамках работы з факультэтам па практыка-арыентаванай падрыхтоўцы спецыялістаў эканамічнага профілю. Расказаў студэнтам аб даляглядах развіцця малога і сярэдняга бізнэсу і даў каштоўныя парады па арганізацыі ўласнай справы.