Гродзенскі дзяржаўны ўніверсітэт імя Янкі Купалы прадставілі студэнт ваеннага факультэта Барыс Бараноўскі, студэнтка факультэта гісторыі, камунікацыі і турызму Анастасія Кісель, студэнтка інжынернага факультэта Кацярына Сіроцкая і студэнты юрыдычнага факультэта Аліна Сышчанка, Валерыя Лакач і Ілья Гарошка.

Пасля прыбыцця ў горад над Бугам купалаўцы прыступілі да конкурсных іспытаў. Дзень пачаўся з інтэлектуальнага турніру «Знатокі сваёй гісторыі», дзе ўдзельнікі праверылі свае веды ў галіне гісторыі і культуры Беларусі.

Напрыканцы першага дня купалаўцы здзейснілі невялікую прагулку па Брэсце, каб атрымаць асалоду ад атмасферы горада і падрыхтавацца да насычанай праграмы наступных дзён.

На другі дзень, 18 верасня, адбылося ўрачыстае адкрыццё Рэспубліканскіх студэнцкіх дзён, дзе ўдзельнікі маштабнага мерапрыемства ўшанавалі памяць продкаў і ўсклалі кветкі ў знак павагі да подзвігу беларускага народа ў гады вайны.

Пасля цырымоніі адкрыцця купалаўцаў чакалі цікавыя мерапрыемствы, у тым ліку майстар-класы па журналістыцы, дзе ўдзельнікі даведаліся шмат новага ў галіне медыя. Таксама прайшоў майстар-клас па твістынгу – мадэляванні шароў, на якім хлопцы асвоілі мастацтва стварэння дзіўных фігурак. Акрамя таго, кожны ўдзельнік змог вырабіць унікальныя беларускія сувеніры, якія адлюстроўваюць культуру і традыцыі краіны.

Завяршыўся дзень конкурсам творчых прадстаўленняў устаноў вышэйшай адукацыі «У адзінстве наша сіла», які стаў кульмінацыяй насычанага дня. У фінальны дзень прайшоў творчы конкурс патрыятычнай накіраванасці «Мы адзіныя!» і цырымонія закрыцця Рэспубліканскіх студэнцкіх дзён.

Каманда Гродзенскага дзяржаўнага ўніверсітэта імя Янкі Купалы была ўдастоена Гран-пры на IV Рэспубліканскіх студэнцкіх днях. Гэтае дасягненне падкрэслівае высокі ўзровень падрыхтоўкі і майстэрства студэнтаў-купалаўцаў, а таксама іх актыўны ўдзел у культурным і адукацыйным жыцці краіны. Поспех на такім значным мерапрыемстве сведчыць аб творчым падыходзе і згуртаванасці каманды, што садзейнічае ўмацаванню іміджу універсітэта на рэспубліканскім узроўні.