Дэлегацыя Рэспублікі Крым прыбыла на чале з першым намеснікам Пастаяннага Прадстаўніка Рэспублікі Крым пры Прэзідэнце Расійскай Федэрацыі Міхаілам Саламенцавым.

З боку Купалаўскага ўніверсітэта на сустрэчы прысутнічалі прарэктар па навуковай рабоце Наталля Башун, прарэктар па ідэалагічнай і выхаваўчай рабоце Васіль Сянько, прарэктар па бяспецы і кадрах Аляксей Бяззубік, дэкан педагагічнага факультэта Юрый Гняздоўскі, намеснік дэкана фізіка-тэхнічнага факультэта Яўгеніюш Матук, дэкан інжынернага факультэта Дзмітрый Ліннік, дэкан факультэта матэматыкі і інфарматыкі Андрэй Праневіч, начальнік навукова-даследчай часткі Антон Глазеў і выконваючы абавязкі начальніка аддзела міжнароднага супрацоўніцтва Ганна Мілашэўская.

У ходзе сустрэчы гасцей пазнаёмілі з Гродзенскім дзяржаўным універсітэтам імя Янкі Купалы, абмеркавалі пытанні развіцця перспектыўных напрамкаў узаемавыгаднага міжуніверсітэцкага супрацоўніцтва.

Даведачна: Крымскі інжынерна-педагагічны ўніверсітэт быў заснаваны ў 1993 годзе і з'яўляецца адной з запатрабаваных ВНУ Расіі. У структуру ўніверсітэта ўваходзяць навукова-даследчы інстытут крымскататарскай філалогіі, гісторыі і культуры этнасаў Крыма і інжынерна-педагагічны каледж.