9 - 10 кастрычніка ў Дзяржаўнай публічнай навукова-тэхнічнай бібліятэцы Расіі ў Маскве адбудзецца III Міжнародная навукова-практычная канферэнцыя «Стан і перспектывы развіцця міжнароднай дзяржаўнай сеткі навукова-тэхнічнай інфармацы». Да ўдзелу запрашаюцца спецыялісты навукова-тэхнічных бібліятэк, адукацыйных і навуковых арганізацый, органаў і цэнтраў навукова-тэхнічнай інфармацыі. Рэгістрацыя ўдзельнікаў ажыццяўляецца да 20 верасня.Мэта канферэнцыі – прааналізаваць сучасныя тэндэнцыі фарміравання, апрацоўкі і выкарыстання навукова-тэхнічнай інфармацыі, а таксама пошук рашэнняў па стварэнні і ўдасканаленні прынцыпаў міждзяржаўнага абмену навукова-тэхнічнай літаратурай і інфармацыяй.
Канферэнцыя прысвечана шырокаму колу пытанняў, закранаючы такія тэмы, як «Ключавыя пытанні развіцця міждзяржаўнай сістэмы навукова-тэхнічнай інфармацыі»; «Эфектыўныя метады абмену навукова-тэхнічнай літаратурай»; «Сучасныя інструменты каталагізацыі і забеспячэння доступу да фонду»; «Роля аўтаматызацыі і інфармацыйна-бібліятэчных сістэм у дзейнасці навукова-тэхнічных бібліятэк»; «Актуальныя задачы навукова-тэхнічных бібліятэк у фарміраванні і развіцці ДСНТМ».
Для ўдзелу ў мерапрыемстве ўдзельнікі павінны прайсці рэгістрацыю па спасылцы. Удзел у канферэнцыі бясплатны і будзе праходзіць як вочна, так і анлайн. У праграму канферэнцыі будуць уключаны даклады, адабраныя Праграмным камітэтам канферэнцыі. На выступленне ўдзельнікам будзе адведзена 15 хвілін.
Па выніках канферэнцыі плануецца выданне зборніка дакладаў, а найлепшыя працы апублікуюць у часопісе «Навуковыя і тэхнічныя бібліятэкі».
Канферэнцыя праходзіць пры падтрымцы Міністэрства навукі і вышэйшай адукацыі Расійскай Федэрацыі, Дзяржаўнага камітэта па навуцы і тэхналогіях Рэспублікі Беларусь, Дзяржаўнай публічнай навукова-тэхнічнай бібліятэкі Расіі і Рэспубліканскай навукова-тэхнічнай бібліятэкі.
Падрабязную інфармацыю аб канферэнцыі можна знайсці на сайце Рэспубліканскай навукова-тэхнічнай канферэнцыі.