Канкурсанты бралі ўдзел у чатырох турах. Яны вырашалі задачы па астрафізіцы і касмалогіі, аналізавалі рэальныя астранамічныя дадзеныя, з якімі працавалі прафесіяналы, распазнавалі нябесныя аб'екты і з'явы і дэманстравалі эрудыцыю ў астранамічных тэмах. І каманда Беларусі выдатна справілася з кожным з іх.

Залатых медалёў удастоіліся Ян Церахаў, навучэнец ліцэя № 1 імя акадэміка Ю.М. Астроўскага горада Гродна, Цімафей Кандрацьеў, навучэнец ліцэя Беларуска-Расійскага ўніверсітэта імя Л.Я. Маневіча горада Магілёва, і Аляксей Моўсік, навучэнец Мінскага дзяржаўнага абласнога ліцэя. Сярэбраныя медалі атрымалі навучэнка сярэдняй школы № 8 горада Слуцка Паліна Салагуб і навучэнец сярэдняй школы № 10 імя У.І. Пеленіцына горада Слоніма Сямён Рудэнка.

Падрыхтоўку беларускіх школьнікаў забяспечвалі вопытныя настаўнікі: дацэнт кафедры тэарэтычнай фізікі і цеплатэхнікі ГрДУ імя Янкі Купалы Казімір Зноска, дацэнт кафедры агульнай фізікі ГрДУ імя Янкі Купалы Андрэй Лавыш, дацэнт кафедры электратэхнікі і электронікі ГрДУ імя Янкі Купалы Вольга Жарнова, выпускніца ліцэя № 1 імя акадэміка Ю.М. Астроўскага г. Гродна Ганна Лебедзевіч, дацэнт кафедры тэарэтычнай фізікі і астрафізікі БДУ Станіслаў Камароў і дацэнт кафедры фізікі і аэракасмічных тэхналогій БДУ Аляксандр Спірыдонаў.

Перамога на міжнароднай арэне - не толькі асабістае дасягненне, але і важкі ўклад у развіццё адукацыі ў сферы астраноміі ў Беларусі, які натхняе іншых на новыя дасягненні.