Ад Гродзенскага дзяржаўнага ўніверсітэта імя Янкі Купалы ў семінары прынялі ўдзел магістрант юрыдычнага факультэта Цімацей Міхалоўскі, студэнт 4 курса факультэта гісторыі, камунікацыі і турызму Глеб Сегень і начальнік аддзела падтрымкі маладзёжных праектаў і ініцыятыў Іна Астроўская.

Праграма семінара была насычанай. Адным з ключавых момантаў стала паказальная гульня ў дэбаты «Ці патрэбныя дэбаты?». Таксама для ўдзельнікаў быў праведзены трэнінг па адпрацоўцы навыкаў дэбатавання і судзейства і навучальны семінар па арганізацыі і правядзенні рэспубліканскага конкурсу "Усебеларуская Ліга дэбатаў", дзе ўдзельнікі змаглі атрымаць адказы на ўсе пытанні, якія тычацца конкурсу.

Гэтае мерапрыемства дазволіла купалаўцам не толькі атрымаць тэарэтычныя веды ў галіне дэбатавання, але і адразу адпрацаваць іх на практыцы, а таксама лепш падрыхтавацца да рэспубліканскага конкурсу дэбатаў.