8 красавіка ў актавай зале Дзіцячай школы мастацтваў № 2 горада Гродна адбыўся экзамен-канцэрт магістранта кафедры музычнага мастацтва ГрДУ імя Янкі Купалы Ульяны Амельчанкі. Зала ператварылася ў яркую пляцоўку для дэманстрацыі прафесійных навыкаў дырыжыравання.

Пад кіраўніцтвам Ульяны Амельчанкі хор Купалаўскага ўніверсітэта і эстрадна-сімфанічны аркестр «Nota-Band» выканалі сусветныя хіты, знаёмыя кожнаму гледачу. Выступленне выклікала захапленне ў прысутных і пацвердзіла высокі ўзровень падрыхтоўкі.