14 мая, напярэдадні Міжнароднага дня сям'і, у Купалаўскім універсітэце адбылася інтэлектуальная гульня для маладых спецыялістаў «Сям'я – захавальнік традыцый». Мерапрыемства аб'яднала супрацоўнікаў ВНУ ў імкненні не толькі прадэманстраваць эрудыцыю, але і глыбей асэнсаваць культурную спадчыну Беларусі.У атмасферы сяброўскага саперніцтва ўдзельнікі прайшлі праз серыю інтэлектуальных выпрабаванняў. Пытанні датычыліся гісторыі і культуры беларускай сям'і, а таксама вечных каштоўнасцей, якія перадаюцца з пакалення ў пакаленне.
Па выніках інтэлектуальнай гульні першае месца заваявала каманда «Тры сястры». Другое месца падзялілі паміж сабой дзве каманды «СМС (Рада маладых спецыялістаў)» і «СМС 2.0». На трэцім месцы апынуліся каманды «Радня» і «Вялікая сям'я».
Віншуем пераможцаў і ўдзельнікаў! Няхай каштоўнасці, якія абмяркоўваюцца ў ходзе гульні, стануць надзейнай апорай у жыцці кожнага купалаўца.
