27 чэрвеня Мінскі футбольны манеж стаў цэнтрам прыцягнення найлепшых выпускнікоў вышэйшых навучальных устаноў краіны. У аснову канцэпцыі арганізатары Рэспубліканскага балю «Наша гісторыя» заклалі праграму ўнікальнай кінастужкі: у карціне кожны навучальны год прывязаны да лёсавызначальных для дзяржавы падзей, якія змянілі маладое пакаленне і вызначылі яго жыццёвыя прыярытэты.З прывітальным словам да ўдзельнікаў звярнуўся Міністр адукацыі Рэспублікі Беларусь Андрэй Іванец:
«Больш за 45 тыс. рабят сёння заканчваюць універсітэты краіны. Канешне, гэта ўжо гатовыя маладыя спецыялісты. Мы чакаем іх у рэальным сектары эканомікі, у нашых арганізацыях, на прадпрыемствах. Упэўнены, што гэтыя прафесіяналы абавязкова знойдуць свой шлях у жыцці. Таму хочацца ўсім выпускнікам пажадаць верыць у сябе, у свае сілы, адважвайцеся, і ў вас усё абавязкова атрымаецца».
Сярод удзельнікаў відовішчнага мерапрыемства – дэлегацыя Купалаўскага ўніверсітэта на чале з першым прарэктарам Аляксандрам Карэўскім і прарэктарам па ідэалагічнай і выхаваўчай рабоце Васілём Сянько. На свяце таксама прысутнічалі Міністр культуры Марат Маркаў і Міністр аховы здароўя Аляксандр Хаджаеў.
Урачыстае мерапрыемства сабрала таленавітых, амбіцыйных і непаўторных студэнтаў. Перад пачаткам Рэспубліканскага балю «Наша гісторыя» сваімі чаканнямі падзяліліся выпускнікі ГрДУ імя Янкі Купалы.
Юлія Сінкевіч, выпускніца філалагічнага факультэта: «Я рада, што змагу стаць часткай грандыёзнага мерапрыемства. Гэта знакавая падзея для моладзі Беларусі. Веру, што баль падорыць мне яскравыя і незабыўныя эмоцыі, а таксама новыя знаёмствы і займальныя гісторыі».
Ілля Гарошка, выпускнік юрыдычнага факультэта: «Рэспубліканскае свята выпускнікоў – яркі фінал нашага студэнцтва. Для мяне вялікі гонар быць сёння сярод лепшых выпускнікоў краіны. У такія моманты разумееш, што ты на правільным шляху, а твае перспектывы бязмежныя. Веру, што гэты дзень падорыць натхненне і матывацыю для будучых здзяйсненняў, бо наша будучыня – у нашых руках!».
Праграма маштабнага мерапрыемства атрымалася насычанай. Яна складалася з пяці серый: «Выпуск 2026: пачатак гісторыі», «Свет і стварэнне», «Знак якасці і першы выбар», «Добраўпарадкаванне і старт пяцігодкі», «Год беларускай жанчыны».
На высокім узроўні выпускнікі Купалаўскага ўніверсітэта прадставілі сваю альма-матэр, дзе годна завяршылі студэнцкі раздзел і адкрылі новую старонку прафесійнага шляху.
У добры шлях, нашы выпускнікі!
-0b688d68c0.jpg)