Асаблівая ўвага ў студзені надавалася грамадска-палітычнаму жыццю. Купалаўскі ўніверсітэт стаў адкрытай пляцоўкай для дыялогу напярэдадні Прэзідэнцкіх выбараў. У сценах універсітэта прайшла дыялогавая пляцоўка, прысвечаная палітычнай бяспецы і грамадскай стабільнасці, сустрэча з Лідзіяй Ярмошынай – заслужаным юрыстам Рэспублікі Беларусь і былым старшынёй ЦВК, Старшынём Гродзенскага абласнога выканаўчага камітэта Уладзімірам Каранікам (цяпер Старшыня Прэзідыума НАН Беларусі) і Старшынёй Федэрацыі прафсаюзаў Беларусі Юрыем Сянько. Падчас выбараў Гродзенскі дзяржаўны ўніверсітэт імя Янкі Купалы стаў выбарчым участкам, а студэнты і супрацоўнікі актыўна ўдзельнічалі ў тэматычных праектах: маладзёжным флэшмобе «Бацька ў нас круты», рубрыцы «Голас моладзі», відэапраекце «МОЙ ПЕРШЫ БЮЛЕТЭНЬ» і чэленджы «Кожны голас – новы ўзлёт».

Студзень таксама азнаменаваўся акадэмічнымі дасягненнямі. Купалаўцам былі прызначаны стыпендыі Прэзідэнта Беларусі, вучоны з нашага ўніверсітэта стаў уладальнікам гранта Прэзідэнта Рэспублікі Беларусь, а рэктару Гродзенскага дзяржаўнага ўніверсітэта імя Янкі Купалы Ірыне Кітурка была прысуджана ступень доктара гістарычных навук.

У студзені 2025 года ўніверсітэт актыўна развіваў і сферу навукі. У Купалаўскім універсітэце цікава і пазнавальна адсвяткавалі Дзень беларускай навукі, а таксама нашы вучоныя разам з прадстаўнікамі Гродзенскага дзяржаўнага медыцынскага універсітэта распрацавалі новае пакаленне раневых пакрыццяў. Навука ў Гродзенскім дзяржаўным універсітэце імя Янкі Купалы – адна з самых важных сфер, у якой купалаўцы робяць вялікія поспехі. Гэта прадэманстравалі на выставе «Навука і інавацыі: дасягненні 2024», паказаўшы апошнія дасягненні факультэтаў у галіне навукі і тэхналогій.

Не стаяў на месцы і спорт. У ГрДУ імя Янкі Купалы прайшоў трэнерскі курс «Лідар масавага футбола» ад UEFA і таварыскі турнір па валейболе. Асаблівым спартыўным гонарам у гэтым месяцы стала сярэбранае прызёрства на чэмпіянаце Рэспублікі Беларусь па грэка-рымскай барацьбе каманды Гродзенскай вобласці, у якую ўвайшлі выпускнікі і студэнты Купалаўскага ўніверсітэта.

Душэўным пачаткам 2025 года стала рэспубліканская дабрачынная акцыя «Нашы дзеці». Купалаўцы наведалі дзіцячыя сады і прытулкі Гродна, падарыўшы іх выхаванцам навагодні цуд і даказаўшы, што ўніверсітэт не проста навучальная ўстанова, а згуртаваны калектыў з вялікім і добрым сэрцам.

На працягу студзеня Купалаўскі ўніверсітэт актыўна дэманстраваў свае лепшыя якасці. 12 выдатных студэнтаў-лідэраў прадставілі ГрДУ імя Янкі Купалы на рэспубліканскім форуме лідэраў «Маладзёжнае лідэрства – сучасны погляд» Гродзенскі дзяржаўны ўніверсітэт імя Янкі Купалы таксама прыняў актыўны ўдзел у «Марафоне адзінства», паказаўшы сваю патрыятычнасць і падтрымку культурнага абмену.

Купалаўскі ўніверсітэт – вялікая інтэрнацыянальная сям'я. Гэта з году ў год дэманструе святкаванне Кітайскага Новага года. Так адбылося і ў 2025 годзе. Майстар-класы, якія прадстаўляюць кітайскія традыцыі, сталі для ўсіх ахвочых праваднікамі ва ўсходнюю культуру.

Асабліва важным для ўсёй Купалаўскай сям'і стаў час выпускных. У студзені з Гродзенскага дзяржаўнага ўніверсітэта выпусцілася больш за 50 студэнтаў, у лік якіх увайшлі студэнты Кітайскай Народнай Рэспублікі, якія атрымалі дыпломы магістрантаў.

Студзень 2025 года стаў для Купалаўскага ўніверсітэта сплавам навукі, грамадзянскай адказнасці, спартыўнага духу, міжнароднай актыўнасці і, галоўнае, чалавечага цяпла, задаўшы высокі тэмп на ўвесь наступны год.