З прывітальным словам да слухачоў звярнуўся першы прарэктар Аляксандр Карэўскі. Ён падкрэсліў, што сучасная вышэйшая адукацыя патрабуе ад выкладчыка гнуткасці, стрэсаўстойлівасці і глыбокага разумення псіхалогіі новага пакалення, і пажадаў усім паспяховай работы.

Курс закліканы даць педагагічным работнікам актуальныя веды і навыкі для эфектыўнай работы з сучасным студэнцтвам. Адкрыла праграму навучання Наталля Плескачова, прафесар кафедры псіхалогіі і педагагічнага майстэрства, кандыдат псіхалагічных навук, дацэнт.

Навучальная праграма ахоплівае шырокі спектр актуальных тэм, у тым ліку: стрэс-менеджмент у дзейнасці выкладчыка; кампетэнтнасць педагога ў вырашэнні канфліктных сітуацый і рабоце ў сітуацыі стрэсу; развіццё інтэлекту ў юнацкім узросце; псіхалагічныя аспекты пакалення Z; распазнанне і псіхадыягностыка асобасных псіхатыпаў; псіхалагічныя асаблівасці педагагічных зносін са студэнтамі; кампетэнтнасць педагога ў арганізацыі прафесійнага ўзаемадзеяння; псіхалагічныя механізмы прыняцця эфектыўных рашэнняў; прафілактыка дэвіянтных паводзін у студэнцкім асяроддзі; тэхнікі фармавання ўнутранай экалогіі асобы пры працы ў сацыянамічных прафесіях.