6 кастрычніка адбыўся кваліфікацыйны этап каманднага Чэмпіянату па праграміраванні сярод устаноў вышэйшай адукацыі Рэспублікі Беларусь. 15-16 лістапада 2024 года пераможцы кваліфікацыі змогуць узяць удзел у вочным спаборніцтве на заключным этапе Чэмпіянату, які адбудзецца ў БДУ.Усяго ў спаборніцтвах адначасова прынялі ўдзел больш за 760 студэнтаў. Гэта рэкорд за ўсе гады арганізацыі студэнцкіх камандных спаборніцтваў, якія ладзяцца ў Рэспубліцы Беларусь на базе БДУ ў фармаце ICPC. Гродзенскі дзяржаўны ўніверсітэт імя Янкі Купалы прадставілі тры каманды, якія сталі прызёрамі спаборніцтваў.
Дыплом першай ступені атрымала каманда, у складзе якой былі магістрант факультэта эканомікі і кіравання Уладзілен Лакцевіч, студэнты 2 курса факультэта матэматыкі і інфарматыкі Аляксандр Малышка і Глеб Выскварка.
Дыплом другой ступені заваявалі студэнт 4 курса факультэта матэматыкі і інфарматыкі Ягор Багатырэвіч, студэнты 3 курса факультэта матэматыкі і інфарматыкі Іван Скрыпінскі і Аляксей Карлюк, студэнт 2 курса факультэта матэматыкі і інфарматыкі Ягор Цыбін, студэнты 1 курса факультэта матэматыкі і інфарматыкі Уладзімір Сінкевіч і Аляксандр Пятро.
Дыплом трэцяй ступені – у каманды, у складзе якой былі студэнт 2 курса факультэта матэматыкі і інфарматыкі Сцяпан Савіцкі, студэнты 1 курса факультэта матэматыкі і інфарматыкі Ілья Коншын, Канстанцін Сліўко, Руслан Кішкуноў, Ягор Куляшоў і Міхаіл Русіновіч.
Віншуем юнакоў з паспяховым выступленнем на Чэмпіянаце!