Што такое падкаст і як яго запісаць? Як выкарыстоўваць падкаст у працы са студэнтамі? На гэтыя і іншыя пытанні адказала мадэратар анлайн-заняткі.

Падкасты, як гутарковыя аўдыёзапісы, распаўсюджваюцца праз інтэрнэт. Яны практычныя, даступныя і зручныя ў выкарыстанні, з іх дапамогай можна змяняць механізмы камунікацыі паміж выкладчыкамі і студэнтамі, трансфармаваць традыцыйныя навучальныя заняткі.

– Падкасты добра ўпісваюцца ў мадэль перавернутага навучання, калі студэнты спачатку слухаюць запісы, а ў аўдыторыі абмяркоўваюць закранутыя тэмы, – падкрэсліла Мімоза Тэймуразаўна. – Ці могуць быць выкарыстаны на этапе правядзення кантрольных мерапрыемстваў з мэтай стымулявання пазнавальнай актыўнасці студэнтаў.

Мадэратар занятку надала ўвагу фармаванню кампазіцыі падкастаў, выказалася пра перавагі працы з лічбавымі аўдыёзапісамі.

Другая частка заняткаў прайшла ў фармаце адказаў мадэратара на пытанні ўдзельнікаў праекту. Мімоза Фахрутдзінава назвала галоўныя якасці, якія неабходныя выкладчыку, каб стаць паспяховым падкастэрам, патлумачыла, што з'яўляецца самым складаным на падрыхтоўчым этапе працы, раскрыла прычыны, якія выклікалі жаданне запісваць уласныя падкасты.

Трэці занятак праекта «Адкрытае навучанне» правядзе кандыдат псіхалагічных навук, дацэнт кафедры эксперыментальнай і прыкладной псіхалогіі Аляксандр Калышка. Прадметам абмеркавання стане тэма «Чытанне як навык і майстэрства». Заняткі адбудуцца 31 кастрычніка 2024 года ў аўдыторыі 334. Пачатак а 15:05.

Запрашаем да ўдзелу ў праекце!

Адкрытае навучанне – гэта пошук карыснага і дэманстрацыя лепшага!