26 кастрычніка дадзены старт навучанню па адукацыйнай праграме павышэння кваліфікацыі «Кіраванне развіццём УВА ў сучасных умовах», у якім бяруць удзел супрацоўнікі, якія знаходзяцца ў кадравым рэзерве ўніверсітэта, і кіраўнікі структурных падраздзяленняў.З прывітальным словам да слухачоў звярнуўся першы прарэктар Аляксандр Карэўскі, падкрэсліўшы актуальнасць тэмы кіравання развіццём устаноў вышэйшай адукацыі ў сучасных умовах:
– Упраўленне развіццём універсітэта – гэта частка ажыццяўляемай у ім кіраўніцкай дзейнасці, у якой забяспечваюцца мэтанакіраванасць і арганізаванасць дзейнасці ўсяго калектыву, павелічэнне яго адукацыйна-выхаваўчага патэнцыялу і павышэнне якасці адукацыі, – адзначыў Аляксандр Яўгенавіч і пажадаў усім плённай сумеснай працы.
На працягу тыдня слухачы будуць абмяркоўваць пытанні сучаснага стану і перспектыў развіцця вышэйшай адукацыі ў Беларусі, лічбавай трансфармацыі працэсаў сістэмы адукацыі, рэалізацыі мадэлі развіцця «Універсітэт 3.0», а таксама ўдзелу ўстаноў вышэйшай адукацыі ў міжнародных рэйтынгавых сістэмах.
Заняткі праводзяць выкладчыкі кафедры ўпраўлення і эканомікі вышэйшай школы дзяржаўнай установы адукацыі «Рэспубліканскі інстытут вышэйшай школы».
