На кафедры тэорыі фізічнай культуры і спартыўнай медыцыны Купалаўскага ўніверсітэта пад кіраўніцтвам дацэнта, кандыдата педагагічных навук Лусіне Харазян была створана новая методыка ў рамках магістарскай дысертацыі Юліі Кіршы.Методыка накіравана на развіццё каардынацыйных здольнасцей у дзяцей з расстройствамі аўтыстычнага спектру і ўключае ў сябе практыкаванні, якія садзейнічаюць паляпшэнню статычнай і дынамічнай раўнавагі, узгодненасці рухаў, зрокава-прасторавай арыентацыі і дакладнасці рухаў. Методыка распрацавана з улікам паніжаных паказчыкаў каардынацыі ў дзяцей з аўтызмам у параўнанні з іх здаровымі аднагодкамі.
Асноўная каштоўнасць дадзенай распрацоўкі заключаецца ў магчымасці павышэння паказчыкаў каардынацыйных здольнасцей у дзяцей з расстройствамі аўтыстычнага спектру. Методыка ахоплівае прынцыпы, сродкі, метады і дазоўку, што дае магчымасць улічваць асаблівасці псіхафізічнага развіцця дадзенай катэгорыі дзяцей.
Педагагічны эксперымент праводзіўся на базе фізкультурна-аздараўленчага цэнтра "Спарта" ў Лідзе.