У мерапрыемстве прынялі ўдзел 20 спецыялістаў і педагогаў дадатковай адукацыі дзяцей і моладзі, якія працуюць з членамі дзіцячых і падлеткавых парламентаў, а таксама лідарамі і актывістамі маладзёжных грамадскіх аб'яднанняў з гарадоў, якія ўжо далучыліся або плануюць далучыцца да платформы "Горад, дружалюбны дзецям і падлеткам". Сярод удзельнікаў семінара была студэнтка 3 курса факультэта псіхалогіі Ніна Гайко.

На працягу двух дзён удзельнікі прайшлі шлях ад зараджэння ідэі да рэалізацыі паўнацэннага сацыяльнага праекта, вывучыўшы чатыры ключавыя модулі метадалогіі: даследаванне, праектаванне, стварэнне і тэсціраванне, рэалізацыя.

У завяршэнне семінара-трэнінгу ў фармаце мазгавога штурму адбылося абмеркаванне эфектыўнасці адаптацыі метадалогіі сацыяльнага праектавання АПШІФТ у адукацыйных установах.

Пасля заканчэння навучання ўсім удзельнікам былі ўручаны сертыфікаты.