12 лістапада адбылася ўрачыстая цырымонія ўручэння прэміі Надзвычайнага і Паўнамоцнага Пасла Кітайскай Народнай Рэспублікі ў Рэспубліцы Беларусь. Гэта прэмія заснавана Пасольствам КНР для беларускіх студэнтаў і школьнікаў, якія дабіліся высокіх вынікаў у вывучэнні кітайскай мовы і культуры.Лаўрэатамі прэміі сталі студэнты факультэта гісторыі, камунікацыі і турызму спецыяльнасці "Лінгвістычнае забеспячэнне міжкультурных камунікацый" Соф'я Дзячко і Дзмітрый Сёмуха.
Адзначым, што студэнт 5 курса Дзмітрый Сёмуха ўжо другі раз становіцца лаўрэатам прэміі. Малады чалавек дасягнуў выдатных вынікаў у вывучэнні кітайскай мовы і культуры, што з'яўляецца важным укладам у развіццё культурных сувязей паміж Беларуссю і Кітаем.
