З 26 па 28 чэрвеня вуліцы Гродна стануць месцам прыцягнення для самых яркіх, энергічных і крэатыўных жыхароў горада. На працягу трох дзён для моладзі і гасцей горада пройдуць святочныя мерапрыемствы ў рамках фестывалю «МоладФэст».Адкрые святкаванне музычны вечар «Свая атмасфера», які пройдзе 26 чэрвеня ў швейцарскай даліне ў парку Жылібера.
27 чэрвеня стане цэнтральным днём святкавання. У суботу ўдзельнікаў свята чакае маладзёжны фестываль «МоладФэст – Прыцягненне», інтэрактыўныя пляцоўкі МНС, ДТСААФ і «БРСМ», творчыя і спартыўныя актыўнасці, квэсты і квізы. Для аматараў музыкі будзе працаваць праект «Музычная вуліца» і «Спяваючыя балконы», а таксама маладзёжнае караоке. На плошчы Савецкай пасля ўрачыстага адкрыцця пройдзе танцавальная праграма, выступленне кавер-гуртоў з Гродна і Мінска і бітва дыджэяў. 27-28 чэрвеня адбудзецца II Гран-пры па дрыфтынгу.
Запрашаем купалаўцаў прыняць удзел у самым маладзёжным свяце лета! Больш падрабязна з мерапрыемствамі можна азнаёміцца ў праграме фестывалю.