Сёлета знакавую дату адзначыў не толькі Купалаўскі ўніверсітэт, але і Ваўкавыскі каледж ГрДУ імя Янкі Купалы, якому споўнілася 85 гадоў. Дзень нараджэння адсвяткавалі маштабна ў сценах Гродзенскага раённага цэнтра культуры.
Урачыстасць раздзялілі выкладчыкі, супрацоўнікі, навучэнцы і выпускнікі, прадстаўнікі мясцовай улады і грамадскіх аб'яднанняў раёна, а таксама ганаровыя госці. Да свята далучыліся прарэктар па вучэбнай рабоце ГрДУ імя Янкі Купалы Лявонцій Паўлаў, намеснік дырэктара Тэхналагічнага каледжа ГрДУ імя Янкі Купалы Яўген Скіба, старшыня першаснай прафсаюзнай арганізацыі работнікаў універсітэта Ганна Сазонава.
За доўгія гады свайго існавання каледж стаў кузняй прафесіяналаў, падрыхтаваўшы мноства кваліфікаваных спецыялістаў, гатовых старанна працаваць, дасягаць высокіх вынікаў у розных галінах і ўносіць значны ўклад у развіццё грамадства.
85 гадоў – гэта не проста лічба, гэта гісторыя, вопыт, тысячы намаганняў і момантаў. Тут шануюць кожнага студэнта, выкладчыка, супрацоўніка і партнёра, якія ўнеслі свой уклад у поспех установы адукацыі.
Святкаванне 85-годдзя Ваўкавыскага каледжа стала магчымасцю для ўсіх адзначыць гэты важны этап у гісторыі, натхніцца на будучыя здзяйсненні і прадоўжыць імкненне да дасканаласці.
Гродзенскі дзяржаўны ўніверсітэт імя Янкі Купалы