Запрашаем тэхнаэнтузіястаў Купалаўскага ўніверсітэта прыняць удзел у Рэспубліканскім конкурсе інавацыйных праектаў 2025 года. Конкурс праводзіцца ў намінацыях «Лепшы інавацыйны праект» і «Лепшы маладзёжны інавацыйны праект».
Дзяржаўны камітэт па навуцы і тэхналогіях Рэспублікі Беларусь пры ўдзеле Міністэрства адукацыі Рэспублікі Беларусь, Нацыянальнай акадэміі навук Беларусі, грамадскага аб'яднання «Беларускі рэспубліканскі саюз моладзі», Беларускага інавацыйнага фонду арганізуе правядзенне 16-га Рэспубліканскага конкурсу інавацыйных праектаў.
Прыём заявак ужо стартаваў і працягнецца да 1 жніўня. Для ўдзелу ў конкурсе прэтэндэнтам неабходна прадставіць заяўку на ўдзел у конкурсе, пашпарт інавацыйнага праекта, бізнес-план або тэхніка-эканамічнае абгрунтаванне, стратэгію камерцыялізацыі і згоду на апрацоўку персанальных даных.
Удзел у конкурсе – гэта магчымасць для распрацоўшчыкаў праектаў прадставіць свае ідэі шырокай грамадскасці, атрымаць ацэнку экспертаў і грашовыя прызы.
У конкурсе разглядаюцца сацыяльна значныя інавацыйныя праекты розных стадый рэалізацыі са стратэгіяй камерцыялізацыі, якія адпавядаюць прыярытэтным напрамкам навуковай, навукова-тэхнічнай і інавацыйнай дзейнасці.
У мэтах падрыхтоўкі ўдзельнікаў конкурсу да разгляду і абароны інавацыйных праектаў будуць праведзены семінары-трэнінгі з прыцягненнем вядучых беларускіх спецыялістаў па інавацыйнай і венчурнай дзейнасці, бізнес-планаванні.
Пасля завочнага адбору заявак (праверкі дакументаў па фармальных прыкметах, экспертызы), аўтары 40 лепшых распрацовак прымуць удзел у фінальным этапе абароны праектаў перад парадай конкурсу. Пераможцам і прызёрам конкурсу ўручаюцца дыпломы і прэміі.
Палажэнне аб конкурсе, формы конкурснай дакументацыі ТУТ.
Гродзенскі дзяржаўны ўніверсітэт імя Янкі Купалы