Ад імя рэктара Купалаўскага ўніверсітэта ўдзельнікаў павітаў прарэктар па выхаваўчай рабоце Васілій Сянько.
Васілій Васільевіч пажадаў рабятам удачы і энтузіязму на шляху да перамогі. Потым адбыўся ўрачысты парад каманд, якія з радасцю павіталі адна адну. У спаборніцтва ўступяць усе факультэты нашага ўніверсітэта і Тэхналагічны і Гуманітарны каледжы.
Марафон «Разам - за моцную і квітнеючую Беларусь!» праводзіцца з 2015 года і з'яўляецца візітнай карткай нашага ўніверсітэта. Марафон - гэта цікавы, крэатыўны і шматгранны маладзёжны праект, які дазваляе студэнцкай моладзі ўсебакова развівацца, знаходзіць у сабе таленты і набываць новыя веды і ўменні.
Фінальныя мерапрыемствы марафону запланаваны на сакавік наступнага года. Наперадзе шмат цікавага!
Праект «Грамадзянска-патрыятычны марафон «Разам - за моцную і квітнеючую Беларусь!» удастоены гранта Прэзідэнта Рэспублікі Беларусь у сферы маладзёжнай палітыкі. Адпаведнае распараджэнне Кіраўнік дзяржавы Аляксандр Лукашэнка падпісаў 30 снежня 2022 года.
Грамадзянска-патрыятычны марафон - гэта сучасная форма патрыятычнага і духоўна-маральнага выхавання моладзі, якая ўяўляе сабой спаборніцкі ўдзел каманд у цыклах і конкурсах рознай накіраванасці (творчай, інтэлектуальнай, ваенна-спартыўнай і сямейнай).
Віншуем калектыў аўтараў і жадаем далейшых творчых поспехаў! Дарэчы, гранты Прэзідэнта Рэспублікі Беларусь назначаны 50 спецыялістам, якія працуюць у сферах навукі, адукацыі, аховы здароўя, культуры, маладзёжнай палітыкі і ўнеслі значны ўклад у іх развіццё.
Гродзенскі дзяржаўны ўніверсітэт імя Янкі Купалы