Расійска-беларуская маладзёжная анлайн-школа «Крок у навуку» прайшла з 2 па 16 красавіка. Арганізатарамі навуковай школы выступілі Паўночны (Арктычны) федэральны ўніверсітэт імя М.В. Ламаносава сумесна з факультэтам фізічнай культуры Гродзенскага дзяржаўнага ўніверсітэта імя Янкі Купалы.
Спікеры анлайн-школы расказалі аб сучасных метадах вядзення даследаванняў і распрацовак, дасягненнях навукі і тэхнікі ў галіне фізічнага выхавання і спорту, якія ахопліваюць шырокі спектр напрамкаў. Удзельнікі анлайн-школы «Крок у навуку» абмеркавалі праблемы тэорыі і методыкі спартыўнай трэніроўкі, вывучылі новыя падыходы да планавання і правядзення трэніровачнага працэсу для розных узроставых груп, а таксама разгледзелі ўплыў розных фактараў на эфектыўнасць падрыхтоўкі спартсменаў.
У рамках міжнародных заняткаў былі вызначаны перспектыўныя напрамкі даследаванняў у галіне спартыўнай нутрыцыалогіі з мэтай павышэння фізічнай цягавітасці, паляпшэння аднаўлення пасля трэніровак і дасягнення лепшых вынікаў у спорце.
Удзельнікі школы ўдзялілі асаблівую ўвагу рухальнай актыўнасці як аснове здаровага ладу жыцця. Даследчыкам прадаставілася магчымасць вывучыць уплыў розных відаў фізічнай актыўнасці на фізічнае і псіхічнае здароўе, а таксама распрацаваць рэкамендацыі па аптымальным узроўні актыўнасці для розных узроставых груп.
У выніку навучання ў анлайн-школе ўдзельнікі падрыхтавалі навуковыя працы «Даследаванне ўплыву харчавання на вагу студэнтаў універсітэта: аналіз анкетных дадзеных», «Параўнальны аналіз фізічнай падрыхтаванасці спартсменаў ва ўзросце 12-13 гадоў па баскетболе і веславанні на байдарках і каноэ», «Ацэнка ўзроўню рухальнай актыўнасці студэнтаў I-II курсаў».
Гродзенскі дзяржаўны ўніверсітэт імя Янкі Купалы