Рэктар Купалаўскага ўніверсітэта Ірына Кітурка працягвае сустракацца з працоўнымі калектывамі арганізацый і ўстаноў горада. Як дэпутат Гродзенскага абласнога Савета дэпутатаў Ірына Фёдараўна абмяркоўвае грамадска і палітычна значныя тэмы.
Галоўнай тэмай сустрэчы сталі будучыя выбары Прэзідэнта Рэспублікі Беларусь. На сустрэчы было падкрэслена, што выбары не толькі даюць магчымасць выказаць сваю пазіцыю, але і з'яўляюцца ключавым элементам грамадзянскай адказнасці кожнага чалавека. Важна ўсведамляць, што ўдзел у выбарчым працэсе фарміруе асновы дэмакратычнага грамадства і дае магчымасць кожнаму грамадзяніну ўнесці свой уклад у развіццё краіны. Ірына Фёдараўна адзначыла, што ў некаторых краінах за няяўку на выбары можа пагражаць адміністрацыйная адказнасць.
Купалаўцы падтрымліваюць і прапагандуюць актыўны грамадзянскі ўдзел у выбарчым працэсе. Голас кожнага чалавека мае значэнне, і менавіта праз удзел у выбарах мы фармуем будучыню нашай краіны.
Ірына Фёдараўна таксама казала аб дасягненнях суверэннай Беларусі. Яна адзначыла, што за гады незалежнасці наша краіна дасягнула значных поспехаў у розных галінах, пачынаючы ад адукацыі і заканчваючы сацыяльнай палітыкай.
У прыватнасці, рэктар падкрэсліла важнасць таго, як дзяржава аказвае падтрымку сем'ям з дзецьмі, укараняючы розныя праграмы і ініцыятывы, накіраваныя на паляпшэнне якасці жыцця грамадзян. Гэтыя намаганні садзейнічаюць стварэнню спрыяльнага асяроддзя для развіцця дзяцей, падтрыманню сямейных каштоўнасцей і грамадскай стабільнасці. Развіццё адукацыі, сацыяльнай абароны і падтрымкі сем'яў – гэта ключавыя аспекты ўстойлівага і гарманічнага грамадства, у якім кожны чалавек мае магчымасць рэалізаваць свой патэнцыял і жыць годным жыццём.
Абмеркаванне бягучых тэм, уключаючы выбары, дасягненні краіны і падтрымку грамадзян, садзейнічала фарміраванню адкрытага абмену думкамі і разумення. Ірына Фёдараўна заклікала ўсіх прысутных да аб'яднання і супрацоўніцтва напярэдадні важнага мерапрыемства – выбараў Прэзідэнта Рэспублікі Беларусь.
Гродзенскі дзяржаўны ўніверсітэт імя Янкі Купалы