Загадчык кафедры крымінальнага права, крымінальнага працэсу і крыміналістыкі ГрДУ імя Янкі Купалы Рыма Ключко 27 сакавіка ў Санкт-Пецярбургу выступіла на Міжнароднай навукова-практычнай канферэнцыі ПА АДКБ па актуальных пытаннях забеспячэння інфармацыйна-псіхалагічнай і кагнітыўнай бяспекі.
У рамках канферэнцыі эксперты і парламентарыі з краін АДКБ абмеркавалі ключавыя напрамкі развіцця і ўдасканалення прававой базы для ўмацавання калектыўнай бяспекі ў рэгіёне да 2030 года, а таксама абмяняліся інфармацыяй аб апошніх тэндэнцыях у сферы прававога забеспячэння калектыўнай бяспекі. Мерапрыемства, арганізаванае Парламенцкай Асамблеяй АДКБ, стала пляцоўкай для абмеркавання сучасных выклікаў і пагроз бяспецы, а таксама стратэгій па іх пераадоленні ў рамках Арганізацыі Дагавора аб калектыўнай бяспецы. Канферэнцыя стала значнай падзеяй у галіне міжнароднай бяспекі і прававых даследаванняў, даўшы экспертам і палітыкам магчымасць абмену вопытам і выпрацоўкі сумесных рашэнняў па ўмацаванні калектыўнай бяспекі ў рэгіёне.
У ходзе пасяджэння Экспертна-кансультатыўнага савета пры Савеце ПА АДКБ эксперты абмеркавалі праект мадэльнага закона АДКБ «Аб статусе міжнародных служачых», разгледзелі Рэкамендацыі па гарманізацыі крымінальнага заканадаўства краін АДКБ у сферы злачынстваў супраць міру і бяспекі чалавецтва, праекта Праграмы дзейнасці Парламенцкай Асамблеі АДКБ на 2026-2030 гады.
Гродзенскі дзяржаўны ўніверсітэт імя Янкі Купалы