Гродзенская абласная арганізацыя РГА «Беларускае таварыства Чырвонага Крыжа» запрашае студэнтаў і магістрантаў ГрДУ імя Янкі Купалы прыняць удзел у міжнароднай студэнцкай канферэнцыі на тэму «Чырвоны Крыж паўсюль для кожнага: роля Міжнароднага руху Чырвонага Крыжа і Чырвонага Паўмесяца ў рэагаванні на гуманітарныя выклікі».
Канферэнцыя адбудзецца 22 траўня, і яна дае ўнікальную магчымасць для моладзі паглыбіць свае веды і навыкі ў галіне гуманітарнай дапамогі.
Для ўдзелу ў канферэнцыі неабходна да 5 мая даслаць анкету-заяўку і электронны варыянт даклада на электронную пошту grodno@redcross.by. Усе дэталі, уключаючы форму заяўкі і ўмовы ўдзелу, пазначаны ў інфармацыйным лісце.
Асноўная мэта канферэнцыі – прыцягнуць увагу моладзі да дзейнасці Міжнароднага руху Чырвонага Крыжа і Чырвонага Паўмесяца. Дзякуючы такім мерапрыемствам ствараюцца ўмовы для раскрыцця творчых здольнасцей навучэнцаў у сферы міласэрнасці і гуманнасці, што з'яўляецца важным аспектам фарміравання актыўнай і неабыякавай асобы.
Удзельнікі канферэнцыі могуць прадстаўляць даклады па наступных кірунках: «Сумесныя намаганні сусветнай супольнасці па абароне насельніцтва ад гуманітарных наступстваў узброеных канфліктаў, надзвычайных і крызісных сітуацый», «Стварэнне глабальнай культуры захавання міжнароднага гуманітарнага права», «Роля міжнароднага гуманітарнага права і права асоб», «Перадавы досвед удзельнікаў Міжнароднага руху Чырвонага Крыжа і Чырвонага Паўмесяца ў падрыхтоўцы і рэагаванні на надзвычайныя і крызісныя сітуацыі», «Навучанне і інфармаванне насельніцтва па пытаннях бяспекі жыццядзейнасці», «Вопыт аказання псіхасацыяльнай падтрымкі ва ўмовах узброеных канфліктаў, крызісных і надзвычайных сітуацый».
Удзел у такім мерапрыемстве дазволіць не толькі пашырыць кругагляд, але і ўнесці свой уклад у вырашэнне гуманітарных праблем сучаснасці.
Гродзенскі дзяржаўны ўніверсітэт імя Янкі Купалы