Сёння, 27 чэрвеня, у Купалаўскім універсітэце пачала працаваць прыёмная камісія па залічэнні абітурыентаў для атрымання вышэйшай адукацыі. Першымі будуць залічаны пераможцы профільных універсітэцкіх алімпіяд і ўладальнікі мэтавага накіравання.
У 2024-2025 навучальным годзе Шматпрофільная ўніверсітэцкая алімпіяда ГрДУ імя Янкі Купалы складалася з 8 профільных алімпіяд па 7 вучэбных прадметах. Пераможцамі шматпрофільнай алімпіяды Купалаўскага ўніверсітэта ў 2024-2025 навучальным годзе сталі 127 школьнікаў з усёй Беларусі. Дыпломаў I ступені ўдастоены 24 абітурыенты, II ступені – 48 абітурыентаў, III ступені – 55 абітурыентаў.
Адораных хлопцаў у сценах Купалаўскага ўніверсітэта цёпла прывітаў першы прарэктар Аляксандр Карэўскі.
– Сёння ў Гродзенскім дзяржаўным універсітэце імя Янкі Купалы цудоўны дзень – пачаўся набор для атрымання вышэйшай адукацыі першай ступені з ліку тых абітурыентаў, хто паступае на ўмовах мэтавай падрыхтоўкі і пераможцаў шматпрофільнай універсітэцкай алімпіяды, а таксама тых, хто плануе прадоўжыць навучанне ў магістратуры. У нашым універсітэце створаны ўсе ўмовы для атрымання якаснай адукацыі. Пераможцаў шматпрофільнай алімпіяды мы будзем залічваць з 27 чэрвеня па 2 ліпеня. Тыя, хто паступае на ўмовах мэтавай падрыхтоўкі, падаюць дакумэнты з 27 чэрвеня, і далей іх чакаюць уступныя іспыты, якія будуць праводзіцца з 7 ліпеня. І да 12 ліпеня мы таксама правядзём залічэнне ўсіх, хто паступае да нас на ўмовах мэтавай падрыхтоўкі. Актыўнасць абітурыентаў дастаткова добрая. Колькасць дагавораў, заключаных з рознымі заказчыкамі кадраў у гэтым годзе, на 30 працэнтаў большая, чым у мінулым годзе, – расказаў Аляксандр Карэўскі.
Сваімі ўражаннямі аб паступленні без уступных іспытаў падзяліўся пераможца Шматпрофільнай алімпіяды Купалаўскага ўніверсітэта па вучэбным прадмеце «Гісторыя Беларусі», уладальнік дыплома I ступені Павел Бражур:
– Я збіраюся паступаць на факультэт гісторыі і камунікацыі і турызму на спецыяльнасць «Гісторыя». Я захапляўся гісторыяй з дзяцінства, глядзеў дакументальныя фільмы, чытаў розныя кніжкі, прысвечаныя гісторыі. Калі ў пятым класе пачалася ўся навучальная гісторыя, хадзіў на алімпіяды па гэтым прадмеце, і займаў толькі прызавыя месцы. У будучыні хачу займацца навуковай дзейнасцю і звязаць сваё жыццё з выкладаннем.
Першы прарэктар у сваім выступленні падкрэсліў, што колькасць заказчыкаў кадраў узрасла з ліку прадпрыемстваў рэальнага сектара эканомікі і практычна складае палову ад агульнай колькасці месцаў мэтавай падрыхтоўкі, даведзенай да нашага ўніверсітэта.
Заяўкі на падрыхтоўку спецыялістаў па мэтавай дамове ў 2025 годзе ў Купалаўскім універсітэце падалі 38 заказчыкаў кадраў, сярод іх Галоўнае ўпраўленне адукацыі Гродзенскага абласнога выканаўчага камітэта, Галоўнае ўпраўленне па адукацыі Мінскага аблвыканкама, Галоўнае фінансавае ўпраўленне Гродзенскага абласнога выканаўчага камітэта, ДУ «Гродзенскі раённы міжгаліновы цэнтр для забеспячэння дзейнасці бюджэтных арганізацый і дзяржаўных органаў», ДУ «Рэдакцыя «ЛідаМедыяКампанія», ДУ «Рэдакцыя газеты «Бярэзiнская панарама», ДУ «Рэдакцыя рэгіянальнай газеты «Перспектыва», ДУ «Рэдакцыя «Лідамедыякампанія», Гуманітарны каледж установы адукацыі «Гродзенскі дзяржаўны ўніверсітэт імя Янкі Купалы», ДУА «Цэнтр дадатковай адукацыі дзяцей і моладзі г.Бабруйска», Дэпартамент крымінальнай разведкі Міністэрства ўнутраных спраў Рэспублікі Беларусь, ЗАТ «СМУ № 7 г. Ліда», Інспекцыя Міністэрства па падатках і зборах Рэспублікі Беларусь па Кастрычніцкім раёне г. Гродна, ААТ «Аўтобусны парк г. Гродна», ААТ «Белкард», ААТ «Гродзенскі механічны завод», ААТ «Гродна Азот», ААТ «Гроднапрамбуд», ААТ «Шклозавод «Нёман», ААТ «Будаўніча-мантажны трэст № 19», ТАА «ЎЛАДЭ Лагістык», ТАА «Кіндам Лагістык», ТАА «ОЙКАДОМАС», ТАА «ОЙКАДОМАС» Спектр», РУП «Гродзенскае агенцтва па дзяржаўнай рэгістрацыі і зямельным кадастры», РУП Радыётэлецэнтр «Тэлерадыёкампанія «Гродна», РУП «Гроднаэнерга», Сэрвіснае унітарнае прадпрыемства «АзотСэрвіс», СТАА «ЗОВ-ПЛІТА», Гандлёвае унітарнае прадпрыемства «Тытунь», УП «Інстытут Гроднаграмадзянпраект», ААТ «Краснасельскбудматэрыялы», Упраўленне Следчага камітэта Рэспублікі Беларусь па Гродзенскай вобласці, УА «Нацыянальны дзіцячы адукацыйна-аздараўленчы цэнтр «Зубраня», Прыватнае прадпрыемства «Імперыя дэвайсаў», ПГУП «Транс-Лайф», Дзяржаўны мытны камітэт.
Выпускніца факультэта біялогіі і экалогіі ГрДУ імя Янкі Купалы Амелія Юдзіна родам з Екацярынбурга. Скончыўшы бакалаўрыят, дзяўчына размеркавалася ў Нацыянальны парк «Браслаўскія азёры». Сёння дзяўчына падае дакументы ў магістратуру, каб паглыбіць свае прафесійныя веды і прадоўжыць навуковыя даследаванні:
– Атрымаўшы вышэйшую адукацыю, я пайшла працаваць у Нацыянальны парк «Браслаўскія азёры». У працэсе працы зразумела, што варта папоўніць і палепшыць свае веды. Навуковы супрацоўнік – гэта новы статус і новыя кампетэнцыі, якія мне ў будучыні вельмі спатрэбяцца, таму паступаю ў магістратуру.
Сёлета квота для залічэння без уступных іспытаў пераможцаў універсітэцкай алімпіяды ў ГрДУ імя Янкі Купалы склала 72 чалавекі. Залічэнне пройдзе 2 ліпеня 2025 года.
Для паспяховага старту ў кар'еру выпускніца ваенна-патрыятычнага класа ДУА «Сярэдняя школа № 6 г. Ліды ім. Н.Б. Куканенка» Марыя Лакшук выбрала Купалаўскі ўніверсітэт. Дзяўчына з'яўляецца актыўным прыхільнікам валанцёрскага руху, займаецца мастацкай гімнастыкай, плаваннем і гандболам, брала ўдзел у раённым праекце «Ліда – здаровы горад».
– Я планую паступіць на юрыдычны факультэт, спецыяльнасць «Мытная справа». У першую чаргу я абрала мэтавае накіраванне, бо гэта забяспечвае бясплатную адукацыю. І пасля ўніверсітэта я змагу атрымаць гарантаванае працоўнае месца. Мне заўсёды падабаўся міжнародны гандаль, лагістыка, таму і выбрала менавіта гэтую прафесію. Хачу абараняць эканамічныя інтарэсы сваёй краіны і прынесці ёй карысць, – падкрэслівае абітурыентка Купалаўскага ўніверсітэта.
Для абітурыентаў, якія паступаюць у Купалаўскі ўніверсітэт для атрымання вышэйшай адукацыі на ўмовах мэтавай падрыхтоўкі, устанаўліваюцца наступныя тэрміны прыёмнай кампаніі:
- падача дакументаў (акрамя выпускнікоў профільных класаў (груп)) – з 27 чэрвеня па 2 ліпеня;
- падача дакументаў выпускнікамі профільных класаў (груп) – з 27 па 28 чэрвеня;
- правядзенне сумоўя для выпускнікоў профільных класаў (груп) – 30 чэрвеня;
- правядзенне ўступных іспытаў (акрамя выпускнікоў профільных класаў (груп)) – з 4 па 10 ліпеня (у адпаведнасці з раскладам);
- залічэнне – 12 ліпеня.
Нагадаем, у ГрДУ імя Янкі Купалы арганізаваны Лічбавы кабінет абітурыенты і электронная чарга на сайце abit.by, з дапамогай якой кожны абітурыент можа выбраць час, зручны для асабістага візіту і падачы дакументаў у прыёмную камісію ўніверсітэта.
Гродзенскі дзяржаўны ўніверсітэт імя Янкі Купалы