20 снежня ў Віцебскім дзяржаўным універсітэце імя П.М. Машэрава адбылася ўрачыстая цырымонія ўзнагароджання пераможцаў і прызёраў IV рэспубліканскага анлайн-конкурсу экскурсійна-краязнаўчых прэзентацый.
Конкурс экскурсійна-краязнаўчых прэзентацый з'яўляецца візітнай карткай Віцебскага дзяржаўнага ўніверсітэта імя П.М. Машэрава, які праводзіцца штогод больш за дзесяць гадоў. Праект накіраваны на захаванне гістарычнай памяці, увекавечанне трагічных старонак мінулага і выхаванне пачуцця патрыятызму. У конкурсе прадстаўлена больш за трыста работ, пяцьдзесят з якіх сталі пераможцамі.
Па выніках конкурсу дыпломам ІІ ступені ў намінацыі «Відэапраект» «Купалаўцы памятаюць!» узнагароджана магістрантка філалагічнага факультэта Ангеліна Янкелайць. Дыпломам ІІІ ступені ў намінацыі «Экскурсійны маршрут» за работу «Іх скралі ў дзяцінства: трагедыя дзяцей Гродзеншчыны» ўзнагароджана студэнтка 2 курса факультэта гісторыі, камунікацыі і турызму Ксенія Марчык.
Купалаўскі ўніверсітэт віншуе Ангеліну Янкелайць і Ксенію Марчык з заслужанымі ўзнагародамі на IV рэспубліканскім анлайн-конкурсе экскурсійна-краязнаўчых прэзентацый, а таксама жадае далейшых перамог і творчых адкрыццяў!
Гродзенскі дзяржаўны ўніверсітэт імя Янкі Купалы