14 мая ў Екацярынбургу прайшла IX Міжнародная навукова-практычная канферэнцыя "Праблемы ўзаемадзеяння публічнага і прыватнага права пры рэгуляванні эканамічных адносін", арганізаваная Уральскім дзяржаўным эканамічным універсітэтам. Яе ўдзельнікам стаў загадчык кафедры грамадзянскага права і працэсу, доктар юрыдычных навук, прафесар Ігар Мартыненка.
У сваім выступленні Ігар Эдуардавіч прадставіў комплекснае даследаванне адносна новага напрамку ў прававой навуцы - ваенна-мемарыяльнага права. Ён раскрыў яго як міжгаліновы інстытут, які аб'ядноўвае нормы розных галін права для рашэння задач захавання ваенна-гістарычнай спадчыны.
Даклад прафесара Гродзенскага дзяржаўнага ўніверсітэта імя Янкі Купалы Ігара Мартыненкі быў высока ацэнены і выклікаў ажыўлённую дыскусію. Удзельнікі канферэнцыі актыўна задавалі пытанні і абмяркоўвалі прадстаўленае даследаванне.
Гродзенскі дзяржаўны ўніверсітэт імя Янкі Купалы