З 10 па 12 ліпеня ў Мінску прайшоў рэспубліканскі этап ваенна-прыкладной гульні «Прарыў», які сабраў лепшых студэнтаў з усіх вышэйшых навучальных устаноў Беларусі. Каманда Гродзенскага дзяржаўнага ўніверсітэта імя Янкі Купалы ўзяла «бронзу» на спаборніцтве, а таксама вызначылася ў індывідуальным заліку.
Заключны этап спаборніцтваў аб'яднаў на адным полі 80 найлепшых студэнтаў у складзе 8 каманд. У фінале ім трэба было прадэманстраваць не толькі свае фізічныя магчымасці і ваенна-прыкладныя навыкі, але таксама веды і эрудыцыю.
На працягу трох дзён удзельнікі прайшлі праз інтэлектуальны турнір, прадэманстравалі цягавітасць у спаборніцтве «Штурмавая паласа», а таксама паказалі навыкі валодання агнястрэльнай зброяй у спаборніцтвах «Снайперскі рубеж» і «Тактычная стральба» і ўменне кіраваць беспілотным лятальным апаратам.
Па выніках напружанай барацьбы каманда ГрДУ імя Янкі Купалы заняла трэцяе месца, а таксама атрымала ўзнагароду ў індывідуальным заліку: студэнт трэцяга курса факультэта фізічнай культуры Максім Няхайчук стаў уладальнікам тытула «Лепшы стрэлак».
Віншуем купалаўцаў з прызавым месцам і жадаем ім далейшых поспехаў!
Гродзенскі дзяржаўны ўніверсітэт імя Янкі Купалы