Новы навучальны сезон на ваенным факультэце адкрыўся доўгачаканай падзеяй – прыёмам першакурснікаў. Яшчэ ўчора яны былі абітурыентамі, а сёння ўжо курсанты, якім трэба акунуцца ў армейскі рытм жыцця.
На ваенным факультэце ўжо адбылося ўрачыстае мерапрыемства, прысвечанае старту навучальнага працэсу. Першы намеснік начальніка факультэта палкоўнік Міхаіл Цвяткоў павіншаваў навабранцаў і іх бацькоў з паспяховым паступленнем і залічэннем у рады курсантаў.
Трэба адзначыць, што ў праграму пачатковай прафесійнай падрыхтоўкі ўключаны шырокі спектр дысцыплін. Курсантам трэба асвоіць тактычную, інжынерную, фізічную, страявую, ваенна-медыцынскую і агнявую падрыхтоўку.
Адзін з новых курсантаў, Шусцікаў Максім Дзмітрыевіч, – выпускнік Сувораўскага вучылішча. Ён паступіў туды ў 7-м класе і адвучыўся пяць гадоў, да 11-га класа. Дзякуючы льготам для выпускнікоў Сувораўскай вучэльні ён быў залічаны на ваенны факультэт ГрДУ імя Янкі Купалы. Цяпер Максім – толькі ў пачатку шляху, але ўжо будуе сур'ёзныя планы на будучыню. «Паступленне на гэтую спецыяльнасць – мой свядомы выбар. Мой бацька таксама дасягнуў высокіх вынікаў у гэтай сферы, і я вырашыў пайсці па ім ступням. Пакуль я толькі паступіў, але ўжо адчуваю, што навучанне тут будзе вельмі цікавае. Я захапляюся біялогіяй і, спадзяюся, выкладчыкі дапамогуць мне глыбей асвоіць усе дысцыпліны. Наперадзе – вялікая праца, і я гатовы да яе», – расказаў Максім.
Прыём новых курсантаў – заўсёды важная падзея для ваеннага факультэта. Сёлета ў рады будучых абаронцаў Айчыны ўсталі хлопцы, поўныя рашучасці і імкнення да ведаў. Наперадзе ў іх насычаная вучоба, сур'ёзныя фізічныя нагрузкі і першыя крокі ў прафесіі.
Гродзенскі дзяржаўны ўніверсітэт імя Янкі Купалы