ВАЕННЫ ФАКУЛЬТэТ
Ваенны факультэт у Гродзенскім дзяржаўным універсітэце імя Янкі Купалы - адзінае ваенная навучальная ўстанова ў рэспубліцы, у якой ажыццяўляецца падрыхтоўка кадравых афіцэраў па спецыяльнасцях «фізічная падрыхтоўка ваеннаслужачых» і «тылавое забеспячэнне войскаў» па двух напрамках - «тылавое забеспячэнне войскаў (харчаваннем)» і «тылавое забеспячэнне войскаў (рэчавай маёмасцю)» у інтарэсах Узброеных Сіл, унутраных войскаў Міністэрства ўнутраных спраў і органаў пагранічнай службы Дзяржаўнага пагранічнага камітэта Рэспублікі Беларусь.
Ваенны факультэт ва ўстанове адукацыі «Гродзенскі дзяржаўны ўніверсітэт імя Янкі Купалы» быў створаны ў адпаведнасці з пастановай Савета Міністраў Рэспублікі Беларусь ад 30 чэрвеня 2005 г. № 721. Асновай для фарміравання калектыву факультэта сталі афіцэры Заходняга аператыўнага камандавання, якія мелі вялікі практычны вопыт службы. Першым начальнікам ваеннага факультэта стаў палкоўнік Аляксандр Радзівонаў. З першых месяцаў тут пачалося навучанне студэнтаў універсітэта па праграмах падрыхтоўкі малодшых камандзіраў. З 2006 года вялося навучанне курсантаў, першы выпуск адбыўся ў 2011 годзе.
Вялікі ўклад у справу стварэння факультэта, яго вучэбна-матэрыяльнай базы ўнесла кіраўніцтва і службовыя асобы Міністэрства абароны, Дзяржаўнага пагранічнага камітэта і ўнутраных войскаў МУС Рэспублікі Беларусь.
У складзе факультэта - тры кафедры. Кафедра тылавога забеспячэння, кафедра тэорыі і арганізацыі фізічнай падрыхтоўкі ваеннаслужачых, агульнавайсковая кафедра ўключае ў сябе тры цыкла і забяспечвае навучанне не толькі будучых кадравых афіцэраў, але і студэнтаў па праграмах падрыхтоўкі афіцэраў запасу і малодшых камандзіраў.
За мінулыя дзесяць гадоў на факультэце створана магутная і сучасная вучэбна-матэрыяльная база, якая ў поўнай меры адпавядае зместу адукацыйнага працэсу і забяспечвае прывіццё навучэнцам практычных навыкаў і ўменняў. У навучальным корпусе № 1 размяшчаюцца казармы, інтэрнат курсантаў, навучальныя аўдыторыі, вучэбна-метадычны кабінет, бібліятэкі для сакрэтнай і несакрэтнай літаратуры. У навучальным корпусе № 2 абсталяваны спецыялізаваныя навучальныя аўдыторыі. Маюцца сховішча тэхнікі і восем вучэбных лабараторый, малое тактычнае поле, малы танкадром, інжынерны і стралковы гарадкі, гарадок РХБЗ, адзіная паласа перашкод. Шырока выкарыстоўваецца вучэбна-матэрыяльная база Гродзенскага дзяржаўнага ўніверсітэта імя Янкі Купалы і Гродзенскага тэрытарыяльнага цэнтра падрыхтоўкі ваеннаслужачых, рэзервістаў, ваеннаабавязаных, малодшых камандзіраў, спецыялістаў і афіцэраў запасу, Гожскі навучальны палігон, спартыўная база абласнога цэнтра. На факультэце актыўна ўкараняюцца новыя адукацыйныя тэхналогіі, у тым ліку з выкарыстаннем магчымасцяў глабальнай сеткі Інтэрнэт.
Падрабязней...
Інжынерна-будаўнічы факультэт
Магістратура
Гісторыя магістратуры ў Рэспубліцы Беларусь пачалася ў 1994 годзе, калі ў беларускай сістэме адукацыі была замацавана ступень магістра ў новым – еўрапейскім разуменні, як другая ступень вышэйшай адукацыі.
У 1997 годзе ўпершыню быў аб’яўлены набор на 5 спецыяльнасцяў у магістратуру Гродзенскага дзяржаўнага ўніверсітэта імя Янкі Купалы. Штогод расце попыт на магістарскую адукацыю як з боку заказчыкаў кадраў, так і абітурыентаў. Сёння ўніверсітэт ажыццяўляе падрыхтоўку па 57 спецыяльнасцях другой ступені вышэйшай адукацыі, 16 з якіх - практыка-арыентаваныя, а 7 рэалізуюцца на англійскай мове. За мінулыя 20 гадоў падрыхтаваны 2280 магістраў, якія паспяхова рэалізавалі сябе ў ролі інжынераў, педагогаў, вучоных, прадпрымальнікаў.
Магістарскія праграмы грунтуюцца на інавацыйных распрацоўках, носяць аўтарскі і міждысцыплінарны характар, якія дазваляюць падрыхтаваць шырока эрудыраванага спецыяліста, які валодае метадалогіяй навуковай творчасці і сучаснымі тэхналогіямі, гатовы працаваць ва ўмовах інавацыйнай эканомікі.
Гродзенскі дзяржаўны ўніверсітэт імя Янкі Купалы