Сустрэча рэктара Гродзенскага дзяржаўнага ўніверсітэта імя Янкі Купалы Андрэя Караля з воінамі-інтэрнацыяналістамі, адміністрацыяй і асабовым складам ваеннага факультэта прайшла напярэдадні памятнай даты - 14 лютага.
Мерапрыемства сабрала тых воінаў-інтэрнацыяналістаў, якія мужна прайшлі выпрабаванні вайны, праявілі волю і характар у няпростых умовах. Сярод іх супрацоўнікі ўніверсітэта: загадчык лабараторыі кафедры агульнай фізікі, палкоўнік запасу Сяргей Кашкан, вядучы інжынер кафедры лагістыкі і метадаў кіравання, маёр запасу Аляксандр Лук'янчык, намеснік начальніка спартыўнага клуба, палкоўнік у адстаўцы Валерый Матузаў, загадчык аўташколы «Цэнтр падрыхтоўкі вадзіцеляў механічных транспартных сродкаў» , маёр запасу Сяргей Ягормін, а таксама выпускнікі нашай альма-матэр Іван Бейнаровіч, Віктар Мікуліч і Юрый Слізевіч.
- 28 год таму адбылася вывад апошняга батальёна байцоў з Афганістана. Гэта стала адзначэннем заканчэння той вайны, якая доўжылася доўгіх 9 гадоў і 51 дзень, якая забрала жыцці нашых землякоў, - падкрэсліў рэктар Андрэй Кароль. - Самае вялікае, што мы сёння можам зрабіць, - гэта ўшанаваць памяць тых, хто не вярнуўся, аддаўшы сваё жыццё ў імя міру на зямлі.
Рэктар пажадаў удзельнікам сустрэчы моцнага здароўя, асабістага і сямейнага шчасця і прафесійных поспехаў.
Вітаючы воінаў-інтэрнацыяналістаў, начальнік ваеннага факультэта Лявонцій Паўлаў адзначыў, што правядзенне такога мерапрыемства значна як для афіцэрскага складу, так і для курсантаў.
– Ваенны факультэт з'яўляецца своеасаблівым цэнтрам ваенна-патрыятычнага выхавання моладзі ў прынёманская краі, дзе заўсёды асаблівая ўвага надавалася духоўна-маральнаму станаўленню маладога пакалення, - дадаў Лявонцій Юр'евіч. - Сустрэча з удзельнікамі тых далёкіх падзей - гэта даніна памяці тым, хто не вярнуўся, гэта павага тых, хто застаўся ў жывых.
Сваімі ўспамінамі і ўражаннямі падзяліліся самі воіны-інтэрнацыяналісты, якія распавялі, што савецкія салдаты і афіцэры выконвалі свой баявы абавязак не толькі ў Афганістане, але і ў шэрагу іншых краін. Сярод іх Эфіопія, Лаос, Карэя, Сірыя, В'етнам.
У адказ курсант ваеннага факультэта Аляксандр Навасад падзякаваў гасцям сустрэчы за вопыт і веды, якімі воіны працягваюць дзяліцца з маладым пакаленнем ваенных, і за праяўленую мужнасць, якія мы памятаем і будзем памятаць заўсёды.
Таксама на сустрэчы ў выкананні палкоўніка запасу Аляксандра Аўгусціноўскага гучалі песні, прысвечаныя трагічным падзеям 28-гадовай даўніны і асобным героям той вайны.
У рамках мерапрыемства начальнік ваеннага факультэта Лявонцій Паўлаў правёў экскурсію для рэктара і гасцей па карпусу факультэта, пазнаёміўшы з вучэбнай дзейнасцю і побытам курсантаў.
Гродзенскі дзяржаўны ўніверсітэт імя Янкі Купалы