XI Форум рэгіёнаў Расіі і Беларусі праходзіць з 27 па 28 чэрвеня. За гады правядзення мерапрыемства набыло статус традыцыйнай дыялогавай пляцоўкі прадстаўнікоў органаў улады, бізнес-супольнасцей Расіі і Беларусі і кіраўнікоў вышэйшых навучальных устаноў дружалюбных краін.
Сёння рэктар ГрДУ імя Янкі Купалы Ірына Кітурка прымае ўдзел ва ўрачыстым адкрыцці форуму і ў рабоце тэматычнай секцыі "Інавацыі ў сферы вышэйшай адукацыі і навуцы: вопыт і перспектывы супрацоўніцтва Саюзнай дзяржавы" ў Наваполацку.
Асноўная тэма маштабнага праекта - "Роля міжрэгіянальнага супрацоўніцтва ў пабудове інавацыйнай эканомікі Саюзнай дзяржавы". Арганізатары форума - Савет Рэспублікі Нацыянальнага сходу Рэспублікі Беларусь і Савет Федэрацыі Федэральнага сходу Расійскай Федэрацыі.
Заўтра, 28 чэрвеня, Ірына Фёдараўна стане ўдзельнікам пленарнага пасяджэння ХІ Форуму рэгіёнаў Беларусі і Расіі, дзе адбудзецца ўрачыстае падпісанне пагадненняў.
Пасля працоўных сустрэч і дыялогавых пляцовак рэктар Купалаўскага ўніверсітэта адправіцца ў Мінск, каб далучыцца да выпускнікоў-купалаўцаў на Рэспубліканскім балі выпускнікоў.
Гродзенскі дзяржаўны ўніверсітэт імя Янкі Купалы