21 ліпеня прайшло пасяджэнне прыёмнай камісіі аб допуску да ўдзелу ў конкурсе і рэкамендацыі да залічэння для атрымання агульнай і спецыяльнай вышэйшай адукацыі за кошт сродкаў бюджэту па выніках трох сертыфікатаў ЦТ/ЦЭ, а таксама абітурыентаў ваеннага факультэта.
Членамі прыёмнай камісіі прынята рашэнне дапусціць 1420 абітурыентаў да ўдзелу ў конкурсе для атрымання агульнай вышэйшай і спецыяльнай вышэйшай адукацыі за кошт сродкаў бюджэту па трох сертыфікатах ЦЭ (ЦТ). Трох абітурыентаў дапусцілі да ўдзелу ў конкурсе звыш кантрольных лічбаў прыёму для атрымання агульнай вышэйшай адукацыі за кошт грантаў на навучанне і аднаго абітурыента ў адпаведнасці з міжнароднай дамовай Рэспублікі Беларусь. Студэнтамі Гродзенскага дзяржаўнага ўніверсітэта імя Янкі Купалы (па трох сертыфікатах ЦТ і ЦЭ) сталі 817 абітурыентаў, з іх на дзённую форму атрымання адукацыі залічана 792 чалавекі, на завочную - 25 чалавек.
Варта адзначыць, што ГрДУ імя Янкі Купалы ў 2025 годзе поўнасцю выканаў план набору за кошт сродкаў рэспубліканскага бюджэту.
Сярэдні конкурс па спецыяльнасцях, на якія абітурыенты паступаюць па трох сертыфікатах ЦТ і ЦЭ, склаў 1,75 чалавека на месца.
Адзначым, што сярод абітурыентаў, залічаных у лік студэнтаў 21 ліпеня, 3 выпускнікі профільных класаў педагагічнай накіраванасці і 6 выпускнікоў профільных класаў інжынернай накіраванасці, якія паступаюць па субяседванні, 1 пераможца рэспубліканскай алімпіяды па вучэбных прадметах, 19 пераможцаў III (абласнога) этапу рэспубліканскай алімп дзіцячы тэхнапарк», 1 выпускнік УА «Нацыянальны дзіцячы тэхнапарк», 1 пераможца VI Рэспубліканскага конкурсу прафесійнага майстэрства ProfSkills Belarus 2025, 143 уладальнікі атэстата асаблівага ўзору з узнагароджаннем залатым (сярэбраным) медалём, 15 – уладальнікі дыплома з адзнакай.
У Купалаўскім універсітэце праходзяць уступныя экзамены, якія працягнуцца да 25 ліпеня ўключна. Інфармацыя аб даце і часе яўкі абітурыента на экзамен прадстаўлена ў яго Лічбавым кабінеце. Іншагароднім абітурыентам універсітэт дае магчымасць засяліцца на час здачы экзаменаў у інтэрнат.
У абітурыентаў, якія жадаюць вучыцца на платнай аснове, ёсць магчымасць падаць дакументы па 1 жніўня.
Падрабязную інфармацыю аб ходзе прыёмнай кампаніі, прапанаваных спецыяльнасцях, тэрмінах падачы дакументаў можна даведацца на сайце www.abit.by, а таксама ў пункце працы прыёмнай камісіі Гродзенскага дзяржаўнага ўніверсітэта імя Янкі Купалы па адрасе: вул. Леніна, 32; а таксама па тэлефонах:
+375 (152) 67-01-01 (шматканальны),
МТС +375 (33) 35 44 500,
Life +375 (22) 77 44 500
Гродзенскі дзяржаўны ўніверсітэт імя Янкі Купалы