26 чэрвеня Гродзенскі дзяржаўны ўніверсітэт імя Янкі Купалы стане пляцоўкай для міжнароднай навуковай працы. Тут адбудзецца неаканферэнцыя выкладчыкаў устаноў адукацыі «Баркемп ByProject 2026», арганізаваная ў рамках дыстанцыйнага міжнароднага адукацыйнага марафону «Купалаўскія праекты».
Арганізатары падрыхтавалі для ўдзельнікаў насычаную праграму. У рамках баркемпа запланаваны не толькі традыцыйныя выступленні, але і лекцыі, круглыя сталы, а таксама мазгавыя штурмы. Акрамя таго, удзельнікаў чакаюць гульні, тэатралізаваныя паказы, прэзентацыі ў фармаце «печа-куча», спрэчкі і дыскусіі.
Мерапрыемства арганізавана ў вочным, дыстанцыйным і завочным фарматах. З 11:40 да 13:00 сустрэча пройдзе ў аўдыторыі 225 па адрасе: вул. Ажэшкі, 22 (вочна і дыстанцыйна), а з 13:30 да 15:00 – у дыстанцыйным рэжыме ў аўдыторыі 210.
Лічбавыя матэрыялы, прадстаўленыя ўдзельнікамі баркемпа, будуць апублікаваны і дэпанаваны, а выступоўцам на канферэнцыі будуць адпраўлены электронныя сертыфікаты.
Для ўдзелу неабходна прайсці рэгістрацыю па спасылцы.
Кантактная інфармацыя: kaf_stp@grsu.by (у тэме ліста неабходна пазначыць «Баркемп»); тэл.: 80152-395895.
Гродзенскі дзяржаўны ўніверсітэт імя Янкі Купалы