11 ліпеня на факультэце фізічнай культуры Гродзенскага дзяржаўнага ўніверсітэта імя Янкі Купалы прайшоў міні-турнір па бадмінтоне. Яго ўдзельнікамі сталі дзевяць магістрантаў з Кітаю.
Турнір праводзіўся ў рамках адукацыйнага курса «Сучасныя тэхналогіі аздараўленчай фізічнай культуры», арганізаванага выкладчыкамі Аляксеем Абялеўскім і Ірынай Тонкаблатавай для магістрантаў з КНР. Курс праводзіцца з мэтай падтрымкі замежных студэнтаў, а таксама іх знаёмства з беларускімі методыкамі выкладання.
Па выніках напружанай барацьбы пераможцамі турніру па бадмінтоне сталі магістранты педагагічнага факультэта Ван Хайдун і Чжоў Сюэцзэ.
Гродзенскі дзяржаўны ўніверсітэт імя Янкі Купалы