XII Форум рэгіёнаў Расіі і Беларусі праходзіць у Ніжнім Ноўгарадзе. Тэма пленарнага пасяджэння форуму «Моладзь Беларусі і Расіі – спадчыннікі Вялікай Перамогі і будучыня Саюзнай дзяржавы».
У рамках свайго візіту Ірына Кітурка сустрэлася з рэктарам Ніжагародскага дзяржаўнага педагагічнага ўніверсітэта імя Казьмы Мініна Віктарам Здобняковым. У сустрэчы таксама прынялі ўдзел Лілія Ярушкіна, прарэктар па міжнародным супрацоўніцтве Мінінскага ўніверсітэта, і Вольга Князева, дырэктар цэнтра інфармацыйнай палітыкі Мінінскага ўніверсітэта. Па выніках сустрэчы дасягнута дамоўленасць аб падпісанні пагаднення аб супрацоўніцтве і аб акадэмічнай мабільнасці студэнтаў паміж універсітэтамі і дарожнай карты.
Форум сабраў мноства ўдзельнікаў, сярод якіх былі прадстаўнікі адукацыйных устаноў, органаў улады і маладзёжных арганізацый. Сярод іх савецкі і расійскі спартсмен, барацьбіт класічнага (грэка-рымскага) стылю, трохразовы пераможца Алімпійскіх гульняў, дзевяціразовы чэмпіён свету, 12-разовы чэмпіён Еўропы, 13-разовы чэмпіён СССР, доктар педагагічных навук – Аляксандр Карэлін. Ірына Фёдараўна цёпла прывітала Аляксандра Карэліна, які з'яўляецца добрым сябрам Купалаўскага ўніверсітэта.
Удзельнікі актыўна абмяркоўваюць ролю моладзі ва ўмацаванні дружбы і супрацоўніцтва паміж Расіяй і Беларуссю, а таксама іх уклад у развіццё Саюзнай дзяржавы.
Гродзенскі дзяржаўны ўніверсітэт імя Янкі Купалы