У рамках праграмы круглагадовай спартакіяды 2025/2026 з 29 верасня па 6 кастрычніка ў Купалаўскім універсітэце прайшлі спаборніцтвы па міні-футболе паміж факультэтамі.
У выніку напружанай барацьбы пераможцам стала каманда факультэта фізічнай культуры, прадэманстраваўшы высокі ўзровень падрыхтоўкі. Другое месца заваявала каманда фізіка-тэхнічнага факультэта, паказаўшы зладжаную працу. Трэцяе месца заняла каманда юрыдычнага факультэта, якая праявіла волю да перамогі.
Лепшым гульцом спартакіяды стаў студэнт 2 курса факультэта фізічнай культуры Мікіта Сідаровіч, паказаўшы добрую тэхніку і выдатнае разуменне гульні. Лепшым варатаром стаў студэнт 3 курса фізіка-тэхнічнага факультэта Уладзіслаў Наўгародскі, прадэманстраваўшы выдатную рэакцыю. Лепшым абаронцам за ўражлівыя абарончыя навыкі прызналі Кірылу Сідаровіча, студэнта 5 курса інжынернага факультэта. Студэнт 4 курса юрыдычнага факультэта Гізоўскі Артур вызначыўся сваёй хуткасцю і стаў лепшым нападаючым спартакіяды.
Віншуем пераможцаў спаборніцтваў і лепшых ігракоў з заслужанымі ўзнагародамі!
Гродзенскі дзяржаўны ўніверсітэт імя Янкі Купалы